Pesalema 127

₁Fa Jehofa a sa age ntlo,

ba ba e agang ba direla lefela;

fa Jehofa a sa dise motse,

molebedi o tsogela lefela fela.

₂Ke lefela fela mo go lona

fa lo tsoga ka maphakela,

lo ba lo ya go robala

go le bosigo thata,

lo ba lo ja dijo tsa letsapa;

gonne o naya baratwana ba gagwe

boroko jalo.

₃Bona, bana ke boswa jwa Jehofa;

le loungo lwa sebopelo

ke tuelo ya gagwe.

₄Jaaka metswi

mo seatleng sa monna yo o senatla,

banna ba bokau ba ntse jalo.

₅Go sego monna yo mokotlopo

wa gagwe o ba tletseng;

ba tlaa re ba bua le baba fa kgorong,

ba se ke ba tlhajwe ke ditlhong.