Pesalema 1

₁Go sego monna

yo o sa tsamayeng

mo kgakololong ya baikepi,

le fa e le go ema

mo tseleng ya baleofi,

le fa e le go dula

mo setulong sa basotli.

₂Go itumela ga gagwe

go mo molaong wa ga Jehofa;

mme o akanya

mo molaong wa gagwe

motshegare le bosigo.

₃O tlaa nna jaaka setlhare

se se tlhomilweng

mo dinokaneng tsa metsi,

se se ungwang loungo lwa sone

mo motlheng wa sone,

se lekakaba la sone

le lone le se keng le swaba;

mme le fa e le eng se o se dirang

se tlaa segofala.

₄Baikepi ga ba a nna jalo;

ba tshwana jaaka mmoko

o phefo e o kgopholang.

₅Ke gone ka mo baikepi

ba se ketlang ba ema mo katlholong,

le fa e le baleofi

mo phuthegong ya basiami.

₆Gonne Jehofa o itse

tsela ya basiami;

mme tsela ya baikepi

e tlaa nyelela.