DIPALO 5

₁Jehofa a bua le Moše, a re: ₂“Laola bana ba Iseraele gore molepero mongwe le mongwe ba mo ntshetse kwa ntle ga bothibelelo, le mongwe ba mo ntshetse kwa ntle ga bothibelelo, le mongwe le mongwe yo o nang le keleketlo, le fa e le mang yo o leng itshekologo ka baswi. ₃Senna le sesadi se ntshediwe kwa ntle; loba beye kwa ntle ga bothibelelo, gore ba se ka ba ntle ga bothibelelo, gore ba se ka ba itshekolola bothibelelo jo ke ageleng mo gare ga jone.” ₄Bana ba Iserealeba dira jalo, ba ba ntshetsa kwa ntle ga bothibelelo, jaaka Jehofa a buile le Moše, bana ba Iseraele ba dira fela jalo.

₅Jehofa a bua le Moše, a re: ₆“Bua le bana ba Iseraele, o re: Fa monna, kgotsa mosadi, a dira boleo bongwe jo batho ba tleng ba bo dire, go dira tlolo nngwe fa pele ga Jehofa, mme motho yoo a nna molato; ₇foo a ba ipolele boleo jo ba bo dirileng, yo o leofileng a a lefe molato wa gagwe ka botlalo a ba a oketse ka kgaogano ya botlhano ya one, a go neye ene yo o molato nae. ₈Mme fa motho a se na ope wa losika nae yo tefo ya molato e ka mo direlwang, foo tefo ya molato e e direlwang Jehofa a e nne ya moperesiti; kwa ntle ga phelefu ya tetlanyo e o tlaa direlwang tetlanyo ka yone. ₉Tshupelo nngwe le nngwe ya tsholetso ya dilo tsotlhe tse di itshepileng tsa bana ba Iseraele, tse ba di isang kwa moperesiting, e nne tsa gagwe. ₁₀Le dilo tse di itshepisitsweng tsa motho mongwe le mongwe a e nne tsa gagwe; le fa e le eng se ba se nayang moperesiti, e tlaa nna sa gagwe.”

₁₁Jehofa a bua le Moše, a re: ₁₂“Bua le bana ba Iseraele, o ba reye, o re: Fa mosadi wa monna mongwe a fapoga a dira tlolo ga pele ga gagwe, ₁₃fa monna mongwe a lala nae, mme go subega mo matlhong a monna wa gagwe, go lobafetse, mosadi a leswefetse, go se na ope mosupi yo o mo supang, le ene a sa tshwarelwa mo tirong eo; ₁₄fa mowa wa lefufa o tlela monna, a nna lefufa ka ga mosadi wa gagwe, mosadi a bo a leswefetse, kgotsa fa mowa wa lefufa o mo tlela, a nna lefufa ka ga mosadi wa gagwe, mme mosadi a bo a sa leswefala: ₁₅Foo a monna a ise mosadi wa gagwe kwa moperesiting, a ise seremololo sa mosadi nae, kgaogano ya bosome ya emere ya boupe jwa barele; a se ka a thela lookwane mo go yone le fa e le go baya lebano mo go yone, gonne ke tshupelelo ya boupe ya lefufa, tshupelelo ya boupe ya morafolo; ke se se gakololang motho boikepo.

₁₆“A moperesiti a atametse mosadi, a mmeye fa pele ga Jehofa; ₁₇mme a moperesiti a tseye metsi a a itshepileng ka sejana sa letsopa, le lorole lo lo fa fatshe mo motlaaganeng moperesiti a lo tseye a lo tsenye mo metsing. ₁₈A moperesiti a beye mosadi fa pele ga Jehofa, a moriri wa tlhogo ya mosadi o bofololwe, mme a a tsenye tshupelo ya boupe ya morafolo mo diatleng tsa gagwe, e e leng tshupelo ya boupe ya lefufa; mme moperesiti o tlaa bo a tshotse metsi a a botlhoko a a dirang phutso. ₁₉A moperesiti a ikanise mosadi, a reye mosadi, a re: ‘A e re fa go se na monna ope yo o robetseng nao, e re fa o sa fapogela kwa lesweng, o le mo seatleng sa monna wa gago, o gololege mo metsing a a botlhoko a, a a dirang phutso. ₂₀Mme e re fa o fapogile o le mo seatleng sa monna wa gago, fa o leswefetse, monna mongwe a robetse nao kwa ntle ga monna wa gago’: ₂₁Foo a moperesiti a ikanise mosadi ikano ya phutso, mme a moperesiti a reye mosadi, a re: ‘A Jehofa a go dire phutso le ikano mo gare ga batho ba gago, mogang Jehofa o tlhorisang serope sa gago, a budulosa mpa ya gago. ₂₂Metsi a, a a dirang phutso a tlaa tsena mo maleng a gago, a tlaa budulosa mpa ya gago, a tlaa tlhorisa serope sa gago.’ Mosadi o tlaa re: ‘A go nne jalo, a go nne jalo.’

₂₃“A moperesiti a kwale diphutso tse mo lokwalong, a di phimolele mo metsing a a botlhoko. ₂₄A a nose mosadi metsi a a botlhoko, a a dirang phutso; metsi a a dirang phutso a tlaa tsena mo go ene, mme a tlaa fetoga a nna botlhoko. ₂₅A moperesiti a tseye tshupelo ya boupe ya lefufa mo seatleng sa mosadi, a fokise tshupelo ya boupe fa pele ga Jehofa, a e ise kwa sebesong. ₂₆A moperesiti a tabole ga tshupelo ya boupe ka legofi, e le morafolo wa lone, a go fise mo sebesong, morago a nose mosadi metsi. ₂₇E tlaa re a sena go nosa mosadi metsi, foo go tlaa dirala, gore, e tlaa re fa a leswefetse, ga a diretse monna wa gagwe tlolo, metsi a a dirang phutso a tlaa tsena mo go ene, a tlaa fetoga a nna botlhoko, mme mpa ya gagwe e tlaa buduloga, le serope sa gagwe se tlaa tlhorega; mme mosadi o tlaa nna phutso mo bathong ba ga gabo. ₂₈Mme fa mosadi a sa leswefala, a le montle, foo o tlaa gololega, mme o tlaa nna a ithwala fela.

₂₉“O ke one molao wa lefufa, fa mosadi a le mo seatleng sa monna wa gagwe, mme a fapoga, a leswefala, ₃₀kgotsa fa mowa wa lefufa o wela mo monneng, a nna lefufa ka ga mosadi wa gagwe; foo a a beye mosadi wa gagwe fa pele ga Jehofa; mme a moperesiti a diragatse molao o otlhe mo go ene. ₃₁Monna o tlaa bo a gololegile mo boikepong, mme mosadi yoo o tlaa rwala boikepo jo o bo dirileng.”