NEHEMIA 7

₁Jaana ga dirala e rile lorako lo sena go agiwa, mme ke sena go tsenya ditswalo, le balebedi ba kgoro le baopedi, le Balefi ba sena go tlhongwa, ₂ka tsenya Jerusalema mo tebelong ya ga Hanani nnake, le Hanania molaodi wa kago e e thata ya phemelo; gonne e ne e le monna yo o boikanngo, a boifa Modimo bogolo go gaisa batho ba le bantsi. ₃Ka ba raya ka re: “A ditswalo tsa Jerusalema di se bulwe go tsamaye letsatsi le gotele pele; e re ba eme ba lebetse, ba tswale, ba tsenye mephakalego; mme ba tlhome balebedi e le banni ba Jerusalema, mongwe le mongwe mo tebelong ya gagwe, mongwe le mongwe a lebaganye le ntlo ya gagwe.”

₄Jaana motse o ne o atlhame, o le mogolo; batho ba bo ba le babotlana mo go one le gone matlo a ne a ise a agiwe. ₅Modimo wa me wa go tsenya mo pelong ya me go phutha magosana, balaodi le batho gore ba balwe ka fa ditshikeng tsa bone. Ka bona lokwalo lwa ditshika tsa ba ba tsileng pele, mme ka fitlhela go kwadilwe mo go lone, go twe:

₆Ba, ke bana ba kgaolo ele ya lefatshe, ba ba tlhatlogileng mo botshwarong jwa bone, ba ba kileng ba tlosiwa, ba Nebukatenesare kgosi ya Babilone o ne a ba tlosa; mme ba boetse mo Jerusalema le mo Juta, mongwe le mongwe mo motseng wa ga gabo; ₇ba ba tsileng le Serubabele, le Ješua, le Nehemia, le Asaria, le Raamia, le Nahamani, le Moretekai, le Bilešane, le Miseperethe, le Bigefai, le Nehume, le Baana. Palo ya banna ba batho ba ba Iseraele ke: ₈Bana ba ga Paroše ba le 2 172. ₉Bana ba ga Sefatia ba le 372. ₁₀Bana ba ga Ara ba le 652. ₁₁Bana ba ga Pahathe-moabe, ba bana ba ga Ješua le Joabe, 2 818. ₁₂Bana ba ga Elame, 1 254. ₁₃Bana ba ga Satu, 845. ₁₄Bana ba ga Sakai 760. ₁₅Bana ba ga Binui, 648. ₁₆Bana ba ga Bebai, 628. ₁₇Bana ba ga Asegate, 2 322. ₁₈Bana ba ga Atonikame, 667. ₁₉Bana ba ga Bigefai 2 067. ₂₀Bana ba ga Adine, 655. ₂₁Bana ba ga Atere, ba ga Hesekia, 98. ₂₂Bana ba ga Hašume, 328. ₂₃Bana ba ga Besai, 324. ₂₄Bana ba ga Harife, 112. ₂₅Bana ba ga Gibeone, 95. ₂₆Banna ba Bethelehema le Netofa, 188. ₂₇Banna ba Anathothe, 128. ₂₈Banna ba Bethe-asemafethe 42. ₂₉Banna ba Kiriathe-jearime, Kefira le Beerothe, 743. ₃₀Banna ba Rama le Geba, 621. ₃₁Banna ba Mikemaše, 122. ₃₂Banna ba Bethele le Ai, 123. ₃₃Banna ba Nebo o mongwe, 52. ₃₄Bana ba Elame yo mongwe 1 254. ₃₅Bana ba ga Harime, 320. ₃₆Bana ba ga Jeriko, 345. ₃₇Bana ba ga Lote, Hadite le Ono, 721. ₃₈Bana ba ga Senaa, 3 930. ₃₉Baperesiti, bana ba ga Jetaia ba kgotla ya ga Ješua, 973. ₄₀Bana ba ga Imere, 1 052. ₄₁Bana ba ga Pašure, 1 247. ₄₂Bana ba ga Harime, 1 017. ₄₃Balefi; bana ba ga Ješua, ba ga Katemiele, ba bana ba ga Hotefa, 74. ₄₄Baopedi; bana ba ga Asafe, 148. ₄₅Balebedi ba kgoro; bana ba ga Shalume, bana ba ga Atere, bana ba ga Talemone, bana ba ga Akube, bana ba ga Hatita, bana ba ga Shobai, 138. ₄₆Banethinime; bana ba ga Siha, bana ba ga Hašufa, bana ba ga Tabaothe; ₄₇bana ba ga Kerose, bana ba ga Sia, bana ba ga Patone; ₄₈bana ba ga Lebana, bana ba ga Hagaba, bana ba ga Shalemai; ₄₉bana ba ga Hanane, bana ba ga Gitele, bana ba ga Gahare; ₅₀bana ba ga Reaia, bana ba ga Resine, bana ba ga Nekota; ₅₁bana ba Gasame, bana ba ga Usa, bana ba ga Pasea; ₅₂bana ba ga Besai, bana ba ga Meunime, bana ba ga Nefušesime; ₅₃bana ba ga Bakebuke, bana ba ga Hafuka, bana ba ga Harehure; ₅₄bana ba ga Baseluthe, bana ba ga Mehita, bana ba ga Hareša; ₅₅bana ba ga Barekose, bana ba ga Sisera, bana ba ga Tema; ₅₆bana ba ga Nesia, bana ba ga Hatifa. ₅₇Bana ba batlhanka ba ga Solomone; bana ba ga Sotai, bana ba ga Soferethe, bana ba ga Perita; ₅₈bana ba ga Jaala, bana ba ga Darekone, bana ba ga Gitele; ₅₉bana ba ga Shefatia, bana ba ga Hatile, bana ba ga Pokerethe-hasebaime, bana ba ga Amone. ₆₀Banethinime botlhe, le bana ba batlhanka ba ga Solomone, e ne e le 392. ₆₁Ba ke bone ba ba tlhatlogileng kwa Telemela, Telehareša, Kerube, Atone le Imere; mme ba ne ba retelelwa ke go supa makgotla a borraabo, le fa e le losika lwa bone boo ke Baiseraele. ₆₂Bana ba ga Dalaia, bana ba ga Tobia, bana ba ga Nekota, 642. ₆₃Le ba baperesiti, bana ba ga Hobaia, bana ba ga Hakose, bana ba ga Baresilai yo o ne a tsaya mosadi wa bomorwadia Baresilai wa Mogileate a bidiwa ka leina la bone.

₆₄Bao ba batla lokwalo lwa bone mo go ba ba badilweng ka losika, mme lwa se ka lwa fitlhelwa; ke gone ka moo ba kaiwa ba itshekologile, mme ba ntshiwa mo boperesiting. ₆₅Tirešata a ba raya a re ba se ka ba ja dilo tse di boitshepo jo bo itshepileng go tsamaye go eme moperesiti yo o apereng Urime le Thumime.

₆₆Phuthego e le yotlhe mmogo e ne e le 42 360, ₆₇kwa ntle ga batlhanka ba bone le malata a bone, bao ba bo ba le 7 337; ba bile ba na le baopedi ba le 245, banna le basadi. ₆₈Dipitse tsa bone e le 736, dimmoulo tsa bone e le 245. ₆₉Dikamela tsa bone e le 435, diesela tsa bone e le 6 720.

₇₀Bangwe ba ditlhogo tsa makgotla tsa borara ba ntshetsa tiro madi. Motirešata a tsenya mo polokelong ya dikhumo dikilokerame di le 8 tsa gouta, megotšanyana e le 50, diaparo tsa baperesiti di le 530. ₇₁Bangwe ba ditlhogo tsa makgotla a borara ba tsenya mo polokelong ya dikhumo dikilokerame tsa gouta di le 168, le dikilokerame tsa selefera di le 1 250. ₇₂Se se ntshitsweng ke batho ba bangwe e ne e le dikilokerame tsa gouta di le 168, selefera se le dikilokerame di le 140, le diaparo tsa baperesiti di le 67.

₇₃Jalo baperesiti, le Balefi, le balebedi ba kgoro, le baopedi, le bangwe ba batho le Banethinime, le Baiseraele botlhe, ba aga mo metseng ya bone. Mme e rile go fitlha kgwedi ya bosupa bana ba Iseraele ba bo ba le mo metseng ya bone.