NEHEMIA 11

₁Dikgosana tsa batho tsa aga mo Jerusalema; le batho ba bangwe ba thela bola, gore go tle go leriwe mongwe wa lesome lengwe le lengwe a tle go aga mo Jerusalema motse o o boitshepo, ba bangwe ba ba 9 ba nne mo metseng e mengwe. ₂Batho ba segofatsa banna botlhe ba ba ineetseng ka pelo fela ba tla go aga mo Jerusalema.

₃Jaana ba ke bone ditlhogo tsa ba lefatshe, ba ba agileng mo Jerusalema, mo metseng ya Juta; mongwe le mongwe a aga mo bosweng jwa gagwe mo metseng ya ga bone, e bong Baiseraele, baperesiti, Balefi, Banethinime le bana ba batlhanka ba ga Solomone. ₄Mo Jerusalema ga aga bangwe ba bana ba Juta le ba Benjamine. Ba bana ba Juta: Athaia morwa Usia, morwa Sekaria, morwa Amaria, morwa Shefatia, morwa Mahalalele, wa bana ba ga Perese; ₅le Maaseia morwa Baruke, morwa Kolohose morwa Hasaia, morwa Ataia morwa Joiaribe, morwa Sekaria, morwa motho wa Mošilone. ₆Bomorwa Perese botlhe ba ba agileng mo Jerusalema e ne e le banna ba ba 468, e le banna ba ba pelokgale. ₇Ba ke bomorwa Benjamine: Salu morwa Mešulame, morwa Joete, morwa Petaia, morwa Kolaia, morwa Maaseia, morwa Ithiele morwa Ješaia. ₈Morago ga gagwe Gabai, Salai, 928. ₉Joele morwa Sikeri e ne e le molebedi wa bone; Juta morwa Hasenua e ne e le wa bobedi mo taolong ya motse. ₁₀Ba baperesiti: Jetaia morwa Joiaribe, Jakine, ₁₁Seria morwa Hilekia, morwa Mešulame, morwa Satoke, morwa Meraiothe, morwa Ahitube, molaodi wa ntlo ya Modimo. ₁₂Le bomonnaa bone ba ba dirang tiro ya ntlo ba le 822: Ataia morwa Jerohame, morwa Pelalia, morwa Amasi, morwa Sekaria, morwa Pašure, morwa Malekia. ₁₃Le bomonnawe, ditlhogo tsa makgotla a borara, ba le 242; le Amašasai morwa Asarele morwa Ahasai, morwa Mešilemothe, morwa Imere, ₁₄le bomonnaa bone, banna ba ba pelokgale, 128; molebedi wa bone e le Sabediele, morwa Hagetolime. ₁₅Le ba Balefi: Shemaia morwa Hasešube morwa Asirikame morwa Hašabia morwa Buni; ₁₆le Shabethai le Josabate, ba ditlhogo tsa Balefi e le balebedi ba tiro e e kwa ntle ga ntlo ya Modimo; ₁₇le Matania morwa Mika, morwa Sabedi, morwa Asafe, e le motlhabeletsi go simolola go leboga mo thapelong, le Bakebukia, wa bobedi mo go bomorwa rraagwe; le Abete, morwa Shamua, morwa Galale, morwa Jeduthune. ₁₈Balefi botlhe ba ba mo motseng o o boitshepo e ne e le ba 284. ₁₉Gape balebedi ba kgoro, Akube, Talemone, le bomonnaa bone ba ba tshegeditseng tebelo kwa dikgorong, e le 172.

₂₀Ba ba setseng ba Baiseraele, ba baperesiti le ba Balefi, ba bo ba le mo metseng yotlhe ya Iseraele, mongwe le mongwe mo bosweng jwa gagwe.

₂₁Banethinime ba ne ba agile mo Ofele; Siha le Gišepa ba le balebedi ba Banethinime.

₂₂Le gone molebedi wa Balefi kwa Jerusalema e ne e le Usi morwa Bani, morwa Hašabia, morwa Matania, morwa Mika, wa bomorwa Asafe ba baopedi, e le ene molebedi wa tiro ya ntlo ya Modimo. ₂₃Ka gonne go no go le taolo ka ga bone e tswa kgosing, le seabe sa baopedi, se se laotsweng, ka fa letsatsi lengwe le lengwe le lopang ka gone.

₂₄Pethahia morwa Mešesabele wa bana ba ga Sera morwa Juta, o ne a le ka fa tsogong la kgosi mo dilong tsotlhe tse di amang batho.

₂₅Ka ga metsana, le matlhagare a yone, bangwe ba bana ba Juta ba aga mo Kiriathe-arabe le mo metseng ya teng, mo Dibone le mo metseng ya gone, mo Jekabeseele le mo metsaneng ya gone; ₂₆mo Ješua, mo Molata, le Bethepelete; ₂₇mo Hasare-šuale, le mo Beerešeba le mo metseng ya teng; le ₂₈mo Sikelage, le mo Mekona, le mo metseng ya gone; ₂₉le mo Enerimone, le mo Sora le mo Jaremuthe; ₃₀Sanoa, Adulame le metsana ya teng, Lakiše le matlhagare a teng, Aseka le metse ya teng. Jalo ba thibelela go tswa Beerešeba go ya go fitlha kwa mogogorong wa Hinome.

₃₁Bana ba Benjamine le bone ba aga go simolola mo Geba go ya kwa pele, kwa Mikemaše, le Aia, le kwa Bethele le metse ya gone. ₃₂Kwa Anathothe, Nobe, Anania; ₃₃Hasore, Rama, Getaima; ₃₄Hatite, Seboime, Nebalate; ₃₅Lote le Ono, e le molapo wa badiri ba ditiro tsa botswerere. ₃₆Le ba Balefi, makoko mangwe a diphapaano a bone mo Juta a kopanngwa le Benjamine.