DIKHUTSAFALO 5

₁Jehofa, gakologelwa

se se re tletseng;

leba, mme o bone kgobo ya rona.

₂Boswa jwa rona bo pitikololetswe

baeng, matlo a rona

a neilwe ba tšhaba di sele.

₃Re masiela,

re bile re se na borraetsho,

bommaarona ba ntse jaaka

batlholagadi fela.

₄Metsi a rona re a nole

ka go a reka ka madi;

dikgong tsa rona

di rekisiwa mo go rona.

₅Bakonatedi ba rona

ba mo dithamong tsa rona;

re lapile, ga re na boikhutso.

₆Re naanye diatla le Baegepeto, le

Baasiria, gore re tle re kgore dijo.

₇Borraetsho ba leofile,

mme ga ba yo;

rona re belege maikepo a bone.

₈Batlhanka ba a re laola:

ga go na ope yo o ka re gololang

mo seatleng sa bone.

₉Re bona dijo tsa rona

re le mo kotlomanong ya polao,

ka ntlha ya tšhaka ya naga.

₁₀Letlalo la rona le lentsho

jaaka pesetso

ka ntlha ya mogote o o fisang

wa go bopama.

₁₁Ba beteletse basadi mo Sione,

le barweetsana mo metseng ya Juta.

₁₂Dikgosana di ne di pegwa

di lepelediwa di akgega

ka mabogo a tsone,

difatlhogo tsa bagolwane

di ne di sa tlotlwe.

₁₃Makau a ne a rwala lolwala,

le banyana ba kgokgoetsega

ba rwele dikgong.

₁₄Bagolwane ba khutlile mo kgotleng,

makau a khutlile

mo go opeleng ga one.

₁₅Boitumelo jwa pelo tsa rona

bo khutlile;

pina ya rona e fetogile bohutsana.

₁₆Serwalo se ole mo tlhogong ya rona.

A batho ba bagolo, rona!

Gonne re leofile.

₁₇Dipelo tsa rona di idibetse

ka ntlha ya mo;

matlho a rona a otofala

ka ntlha ya dilo tse.

₁₈Ka ntlha ya thaba ya Sione,

e e swafetseng;

bophokoje ba tsamaya

mo go yone fela.

₁₉Wena Jehofa,

o ntse ka bosakhutleng;

setulo sa gago sa bogosi

se ntse mo tshikatshikeng tsotlhe.