JOBE 41

₁“A o ka goga kwena

wa e ntshetsa kwa ntle

ka kgoge ya tlhapi,

kgotsa a o ka gatelela loleme

lwa yone ka lodi?

₂A o ka tsenya mogala wa mokhasi

mo nkong ya yone,

kgotsa a o ka phunya lotlhaya

lwa yone ka lomapo?

₃A e ka go direla mekokotlelo

e le mentsi,

kgotsa a e ka bua nao mafoko

a a bonolo?

₄A e tlaa dira nao kgolagano

ya go ka o e tsaya ya nna motlhanka

wa gago ka bosakhutleng?

₅A o ka tshameka nayo

jaaka fa e ka bo e le nonyane?

Kgotsa a o tlaa e golegela

barweetsana ba gago?

₆A masomo a batshwari ba ditlhapi

a tlaa e ntsha tlhwatlhwa?

A ba tlaa e kgaoganya mo bareking?

₇A o ka rothotha letlalo la yone

ka marumo a dikobe,

kgotsa tlhogo ya yone ka marumo

a ditlhapi?

₈Baya seatla sa gago mo go yone;

o gakologelwe go loma ga yone,

mme ga o ketla o tlhola o dira jalo.

₉Bona, tsholofelo ya go e tshwara

ke lefela, a motho ga a tlhoboge

le fa a e bona fela?

₁₀Ga go na ope

yo o pelokgale ya go e kgotla;

mme foo yo o ka emang

fa pele ga me e mang?

₁₁E mang yo o simolotseng

a nnaya pele, fa e bo ne ne

ke ka busetsa mo go ene?

Sengwe le sengwe se se fa tlase

ga legodimo lotlhe ke sa me.

₁₂“Ga nketla ke didimala

ka ga ditokololo tsa yone,

le fa e le nonofo e kgolo ya yone,

le fa e le popego ya yone

e e lekalekanyeng sentle.

₁₃E mang yo o ka e khumolotsang

seaparo sa ka fa ntle?

E mang yo o ka tsenang ka fa teng

ga ditlhaya tsa yone

tse di tlhatlaganyeng?

₁₄E mang yo o ka bulang

ditswalo tsa sefatlhogo sa yone?

Meno a yone a dikologilwe

ke therego.

₁₅Makape a yone a a thata

ke pelafalo ya yone, a kitlantswe

jaaka e ka bo e le ka sekano

se se pitlaganyang.

₁₆Le lengwe le atamalanye

le le lengwe thata,

go bile go retelela le phefo

go tsena fa gare ga one.

₁₇A lomaganye mmogo;

a ngaparalanye,

ga a kake a patologanngwa.

₁₈Maethimolo a yone

a ntsha ditlhase tsa lesedi,

matlho a yone

a tshwana le dintshi tsa matlho

a moso.

₁₉Ditime tse di tukang

di tswa mo ganong la yone,

le ditlhase tsa molelo di tswe.

₂₀Mo dinkong tsa yone

go tswe mosi jaaka ekete wa pitsa

e e apeileng le motsitla o o šang.

₂₁Pudulo ya yone e tshuba magala,

kgabo ya molelo

e tswa mo ganong la yone.

₂₂Thata e nna mo thamong ya yone,

theregiso e bina fa pele ga yone.

₂₃Matlhatlhagano a nama ya yone

a ngaparalanye,

a kwenne mo go yone;

ga a kake a tshikinngwa.

₂₄Pelo ya yone e kwenne

jaaka lentswe;

ee, e kwenne jaaka lolwala.

₂₅Fa e itsholetsa, ba ba thata ba boife,

be tlhakane tlhogo

ka ntlha ya go tlakasela.

₂₆Fa motho a e losa ka tšhaka,

ga go thuse sepe,

le fa e le ka lerumo, le ka motswi,

le ka logong lo lo tlhokoditsweng.

₂₇E kaya tshipi jaaka lotlhaka,

le kgotlho jaaka kono

fela.

₂₈Motswi ga o kake wa e tshabisa;

majana a motsekedi

a fetoga dirite mo go yone.

₂₉Melamu e kaiwe jaaka dirite,

e tshege go ibalala ga putlela.

₃₀Ka kwa mpeng ga yone

go etsa dipeana tse di dintlha

di bogale, e e beye sephara

ekete ke koloi e fola mo marageng.

₃₁E bedise boteng jaaka pitsa,

e dire lewatle go nna jaaka setlolo.

₃₂E dira tsela e e phatsimang

morago ga yone;

motho a gopole go re

boteng bo thuntse.

₃₃Mo lefatsheng ga go na sepe

se se tshwanang nayo,

e le se se se nang poifo.

₃₄E tle e lebe sengwe le sengwe

se se goletsegileng;

ke kgosi godimo ga bana

ba boikgodiso botlhe

fela.”