BAHEBERE 3

₁Ke gone bagaetsho ba ba itshepileng, lo le baabedwi ba pitso ya selegodimo, akanyang Moaposetole le Moperesiti yo mogolo wa tumelo ya rona, e bong Jesu; ₂yo o ne a ikanyega mo go one o o mmeileng, jaaka le ene Moše a ne a ntse mo ntlong yotlhe ya one. ₃Gonne ene, o kailwe fa a tshwanetse kgalalelo e e fetang ya ga Moše, go etsa jaaka yo o agileng ntlo a tle a bone kgalalelo e e fetang ya yone ntlo. ₄Gonne ntlo nngwe le nngwe e tle e agiwe ke motho mongwe; mme yo o agileng dilo tsotlhe ke Modimo. ₅Le gale Moše o ne a ikanyega mo ntlong yotlhe ya one, jaaka motlhanka go nna tshupo ka ga dilo tse di ne di tloga di bolelwa; ₆mme Keresete o ne a ikanyega jaaka ngwana mo ntlong ya one; o rona re leng ntlo ya one, fa re tshegetsa botlhokapoifo jwa rona, le boikgantsho jwa tsholofelo ya rona ka tlhomamo, go ya kwa bokhutlong.

₇Ke gone fela jaaka Mowa o o Boitshepo o bua o re:

₁₂Lo itise, bagaetsho, e se re kgotsa go bo go ka nna le mo go mongwe wa lona pelo e e bosula, e e sa dumeleng, ya go kgaogana le Modimo o o tshedileng. ₁₃Lo laane ka malatsi otlhe, ka go sa ntse go ka twe: “Gompieno,” gore ope wa lona a se ka a kgwaraladiwa ke tsietso ya boleo. ₁₄Gonne re diregile baabedwi le Keresete, fa re tshegetsa tshimologo ya boikanyo jwa rona, go ya ka tlhomamo kwa bokhutlong. ₁₅Ka go sa ntse go twe:

₁₆Ka gobo ke bomang ba e rileng ba sena go utlwa ba gakatsa? Nnyaa, a ga se bone botlhe ba ba duleng kwa Egepeto ka Moše? ₁₇Ba o ba itumologetseng ka dinyaga di le 40, e ne e le bomang? A e ne e se ba ba leofileng, ba ditoto tsa bone di wetseng mo nageng? ₁₈Ba o ba ikanetseng, wa re, ga ba ketla ba tsena mo boikhutsong jwa one, e ne e le bomang, fa e se ba ba neng ba le kgopo? ₁₉Re a bona fa ba reteletswe ke go tsena, ka ntlha ya go tlhoka go dumela.