1 SAMUELE 11

₁Foo Nahaše wa Moamone a bolola, a thibelela go tlhabana le Jabeše-gileate; mme banna botlhe ba Jabeše ba raya Nahaše ba re: “Dira kgolagano le rona, mme re tlaa go direla.”

₂Foo Nahaše wa Moamone a ba raya a re: “Ke tlaa dira kgolagano le lona ka mokgwa wa go re: A matlho otlhe a lona a ka fa tsogong le legolo a gonngwe; mme ke tlaa go baya kgobo mo Baiseraeleng botlhe.”

₃Bagolwane ba Jabeše ba mo raya ba re: “Re neye lobaka lwa malatsi a supa, gore re rome batho mo ntlheng tsotlhe mo Iseraele; foo e tlaa re fa go se na ope yo o re gololang, re tlaa tswela kwa go wena.”

₄Foo borongwa ba tla mo Gibea wa ga Saule, ba bolela mafoko a mo ditsebeng tsa batho; mme batho botlhe ba tsholetsa mantswe a bone ba lela. ₅Mme bonang, Saule a tla a setse dikgomo morago a tswa kwa leoteng; Saule a re: “Ana batho ba bolawa eng fa ba lela jaana?” Mme ba mmolelela mafoko a batho ba Jabeše. ₆Ya re Saule a utlwa mafoko ao, mowa wa Modimo wa tlaa ka thata mo go ene, le bogale jwa gagwe jwa tuka thata. ₇A tshwara dikgomo tsa jokwe mongwe, a di kgabetlela, a di isa mo ntlheng tsotlhe tsa Iseraele ka barongwa, a re: “Le fa e le mang yo o sa bololeng a sala Saule le Samuele morago, dikgomo tsa gagwe di tlaa dirwa fela jalo.” Therego ya ga Jehofa ya wela batho, ba bolola jaaka motho a le mongwe fela. ₈A bala batho mo Beseke: bana ba Iseraele ba bo ba le 300 000, banna ba Juta ba le 30 000. ₉Ba raya barongwa ba ba tsileng ba re: “Lo reye banna ba Jabeše-gileate jaana lo re: ‘E tlaa re ka moso ka lobaka lwa fa letsatsi le gotela lo tlaa bona kgololo.’ ” Barongwa ba fitlha ba bolelela banna ba Jabeše-gileate; mme ba itumela. ₁₀Ke gone ka moo banna ba Jabeše ba re: “Ka moso re tlaa tswela kwa go lona, lo tlaa re direla ka fa lo bonang go le molemo ka gone.”

₁₁Ka moso ga nna jalo, Saule a aba batho masomo a le mararo; mme ba tsena mo gare ga bothibelelo ka lobaka lwa tiso ya makuku, ba kgemetha Baamone ga ba ga tla ga nna mogote motshegare; ga ba ga dirala go re, ba ba setseng ba faladiwa, mme ga se ka ga tlogelwa bape ba le babedi mmogo.

₁₂Batho ba raya Samuele ba re: “Yo o rileng: ‘A Saule o tlaa re busa, ke mang?’ Lere banna bao gore re ba bolaye.”

₁₃Saule a re: “Ga go na motho ope yo o tlaa bolawang gompieno, gonne gompieno Jehofa o dirile kgololo mo go Iseraele.” ₁₄Foo Samuele a raya batho a re: “Ntlong re yeng Gileate, re šafatse bogosi gone.” ₁₅Mme batho botlhe ba ya Gilegale; ba dira Saule kgosi gone fa pele ga Jehofa mo Gilegale; ba tlhabela gone ditlhabelo tsa ditshupelo tsa kagiso, fa pele ga Jehofa; mme Saule le Baiseraele ba itumela thata gone.