Pisalema ya 120

₁Loko ndzi ri emaxangwini, ndzi huwelele eka HOSI

kutani yi ndzi hlamurile.

₂Ni sweswi ndzi ri, ndzi ponise we HOSI

eka vahembi ni vakanganyisi.

₃Wena mukanganyisi,

xana Xikwembu xi ta ku endla yini,

nakona xi ta ku ba ha yini xana?

₄Xi ta ku tlhava hi miseve leyo tontswa ya nyimpi,

leyi nga ni makala lama vuvumelaka.

₅Ndzi ni khombo mina ndzi nga muluveri etikweni ra Mexeke,

mina ndzi tshamaka exikarhi ka va ka Kedari.

₆I khale ndzi ri karhi ndzi tshama

exikarhi ka vanhu lava vengaka ku rhula.

₇Mina ndzi rhandza ku rhula, kambe loko ndzi vulavula hi ku rhula loku,

vona va pfuxa nyimpi.