Tlhahisoleseding e Nngwe

Pisalema ya 100

Pisalema ya magandzelo ya ku nkhensa.

₁N'wina hinkwenu vanhu va misava,

huwelelani hi ku tsaka eka HOSI,

₂yi tirheleni mi tsakile,

tanani emahlweni ka yona mi ri karhi mi ba minkulungwana.

₃Tivani leswaku HOSI i Xikwembu,

hi xona xi hi endleke, a hi lo tiendla.

Hina hi vanhu va xona,

ni tinyimpfu leti xi ti risaka.

₄Nghenani eTempeleni ya xona mi ri karhi mi nkhensa,

mi nghena eswivaveni swa xona mi ri karhi mi yimbelela.

Xi dzuniseni mi tlangela vito ra xona.

₅HOSI Xikwembu xi ni vunene,

rirhandzu ra xona hi leri nga heriki,

xa ha ta tshembeka ni le ka hinkwavo lava va ha taka.