Pisalema ya 1

₁Ku katekile munhu

loyi a nga amukeriki makungu ya lavo homboloka,

loyi a nga landziki mikhuva ya vadyohi,

loyi a nga dzumbiki ni lava sandzaka Xikwembu,

₂kambe a tsakela nawu wa HOSI,

a wu anakanya vusiku ni nhlekanhi.

₃Ú fana ni murhi lowu mileke etlhelo ka mati lama khulukaka,

lowu vekaka mihandzu ya wona hi nguva ya kona,

lowu nga dzudzekiki matluka.

Eka hinkwaswo leswi a swi endlaka,

wa humelela.

₄Kasi a swi tano eka lavo homboloka:

Vona va fana ni mungu lowu hangalasiwaka hi moya.

₅Hikokwalaho, hi siku ra ku avanyisa,

lavo homboloka va nga ka va nga poni,

ni vadyohi va nga ka va nga amukeriwi

enhlengeletanweni ya lavo lulama.

₆Etindleleni ta vona, lavo lulama va fambisiwa hi HOSI,

kambe lavo homboloka, va khoma ndlela leyi yi va yisaka eku loveni.