Genesa 48

₁Endzhaku ka timhaka leti, Yosefa a twa leswaku tata wa yena wa vabya, kutani a suka a ya kona ni vana va yena Manase na Efrayimi. ₂Kuteloko Yakobo a twa leswaku n'wana wa yena Yosefa ú tile ku ta n'wi pfuxela, a lwa hi matimba a kondza a pfuka, a tshama kunene emubedweni. ₃Kutani a ku ka Yosefa: “Xikwembu-xa-matimba-hinkwawo xi tikombisile eka mina emutini wa Luzi le Kanana, xi tlhela xi ndzi katekisa, ₄xi ku: ‘Vona, ndzi ta ku nyika vatukulu lavo tala, u va tata wa vanhu va ntsandza-vahlayi, naswona tiko leri, ndzi ta ri nyika vatukulu va wena leswaku ri va ra vona hilaha ku nga heriki.’ ₅Hikokwalaho, Efrayimi na Manase, va nga vana va wena lava velekiweke laha Egipta mina ndzi nga si fika, va ta hlayiwa va ri vana va mina, ku fana na Rhuveni kumbe Simiyoni va nga vana va mina. ₆Loko va ri vana va wena lava velekiweke endzhaku ka lavambirhi, vona a va nga hlayiwi va ri vana va mina; kutani ndzhaka ya vona va ta yi kuma eka vamakwavo. ₇Loko ndzi huma ePadani-Aramu, ndzi twe ku vava ngopfu hi ku lova ka Rahele. Ú lovele endleleni etikweni ra Kanana, loko ndza ha ri kule ni ku fika emutini wa Efrata (hileswaku Betlehema), kutani ndzi n'wi lahle kwale ndleleni yo ya le Efrata.”

₈Loko Yakobo a vona vana va Yosefa, a vutisa a ku: “Lava i vamani xana?” ₉Yosefa a hlamula a ku: “Lava i vana va mina, lava Xikwembu xi ndzi nyikeke vona kwala tikweni leri.” Kutani Yakobo a ku: “Ndzi kombela leswaku u va tisa haleno ka mina, leswaku ndzi ta va katekisa.” ₁₀Enkarhini lowu, Yakobo a a duyharile, mahlo ya yena a ma nga ha voni swinene. Hiloko Yosefa a tshineta vana va yena, Yakobo a va xinga a va ntswontswa. ₁₁Kutani Yakobo a ku ka Yosefa: “A ndzi nga ha kholwi leswaku wena ndzi nga pfuka ndzi ku vonile, kambe namuntlha hi leswi, Xikwembu xi endlile leswaku ndzi vona ni vana va wena.” ₁₂Kavaloko Yosefa a susa vana va yena ematsolweni ya tata wa yena, kutani a nkhinsama, a korhamela hansi. ₁₃Kutani a teka vana va yena havambirhi, a va tshineta eka Yakobo nakambe, a khoma Efrayimi hi voko ra xinene a n'wi kongomanisa ni voko ra Yakobo ra ximatsi, Manase yena a n'wi khoma hi lera ximatsi, a n'wi kongomanisa ni voko ra Yakobo ra xinene. ₁₄Hiloko Yakobo a hambanyisa mavoko ya yena, lera xinene a ri tlhandleka enhlokweni ya Efrayimi, lontsongo wa kona, kasi lera ximatsi a ri tlhandleka enhlokweni ya Manase, yena mativula ya Yosefa.

₁₇Yosefa a swi n'wi tsakisanga loko a vona tata wa yena a tlhandlekile voko ra yena ra xinene enhlokweni ya Efrayimi. Hiloko Yosefa a khoma voko ra tata wa yena, a lava ku ri susa enhlokweni ya Efrayimi, a ri tlhandleka enhlokweni ya Manase. ₁₈Kutani Yosefa a ku ka tata wa yena: “E-e, tatana, u nga endlisi sweswo; mativula hi loyi, tlhandleka enhlokweni ya yena voko ra wena ra xinene.” ₁₉Kambe tata wa yena a ala, kutani a ku: “Ndza swi tiva, n'wananga, ndza swi tiva. Na yena ú ta va ni tiko ni vatukulu lavo tala; kambe ndzisana hi yena la nga ta va tiko lerikulu ngopfu; vatukulu va yena va ta va ntsandza-vahlayi.”

₂₀Kutani siku rero, Yakobo a va katekisa, a ku:

Hi mukhuva wolowo, Yakobo ú rhangisile Efrayimi emahlweni ka Manase. ₂₁Kutani Yakobo a ku ka Yosefa: “Vona, ndzi le kusuhi ni ku fa, kambe Xikwembu xi ta va na n'wina, xi ta mi tlherisela etikweni ra vakokwa wa n'wina. ₂₂Sweswi, xintshabyana lexi ndzi xi tekeleke Vaamori hi fumu ra mina ni vurha bya mina, ndzi xi nyika wena, ku nga ri vamakwenu.”