Estere (Xigriki) H

₄Kutani Mordekayi a ku: “Swilo leswi swi huma eka Xikwembu. ₅Ndzi tsundzuka norho lowu ndzi nga tshama ndzi wu lorha hi tlhelo ra timhaka leti, ku hava ni xin'we xa swona lexi nga hetisekangiki. ₆Xinambyana lexi hundzukeke nambu, kutani ku va ni ku vonakala ni dyambu ni mati layo tala, swi komba Estere, loyi hosi Ahasuwerusi a n'wi tekeke a n'wi endla nkosikazi. ₇Tidragona letimbirhi i Hamani na mina. ₈Matiko hi lawa a ma hlengeletanile ku herisa vito ra Vayuda. ₉Kutani vanhu va mina va nga Vaisraele, va huwelela eka Xikwembu, kutani va ponisiwa. HOSI Xikwembu xi ponisile vanhu va xona; xi hi kutsula eku biheni loku hinkwako. HOSI Xikwembu xi endlile mahlori ni swihlamariso leswikulu leswi nga siki tshamaka swi humelela exikarhi ka matiko. ₁₀Mhaka hi leswaku Xikwembu xi hlawurile hi vuhlolotwana tindlela timbirhi, yin'we ya vanhu va xona, ni yin'wana ya matiko hinkwawo. ₁₁Kutani ku fikile siku ni nkarhi lowu tindlela letimbirhi to hlawuriwa hi vuhlolotwana ti hetisekeke emahlweni ka Xikwembu ni le xikarhi ka matiko hinkwawo. ₁₂Xikwembu xi tsundzukile vanhu va xona, kutani xi va avanyisa hi ku lulama. ₁₃Hikokwalaho Vayuda va ta hlayisa masiku lawa ya vu-14 ni ya vu-15 ya n'hweti ya Adara, va hlengeletana hi ntsako lowukulu emahlweni ka Xikwembu. Swi ta va tano eka Vaisraele hilaha ku nga heriki.”