Estere (Xigriki) 8

₁₃ Tsalwa ra nawu lowu a ri fanele ku humesiwa, ri tivisiwa eka vanhu hinkwavo va swifundzha hinkwaswo, nakona Vayuda a va fanele ku va va tilulamisela ku tirihisela eka valala va vona, hi siku rero. ₁₄ Hi ku lerisiwa hi hosi, varhumiwa va hatla va gada tihanci ta mfumo ta rivilo, va hangalasa nawu lowu wu humesiweke le ntsindza eXuxani.

₁₅ Kutani Mordekayi a huma emutini wa hosi, a ambarile minceka ya vukosi ya muhlovo wa rihlaza ra tilo ni ku basa, a ambele ni harhi leyikulu ya nsuku, ni nceka wa ntsembyani wo saseka wa xivunguvungu. Vaaki va muti wa Xuxani a va ba minkulungwana va tsakile. ₁₆ Vayuda a va vangama tinghohe, va yimbelela va tsakile, va titwa va ri vanhu. ₁₇ Kutani exifundzheni xin'wana ni xin'wana ni le mutini wun'wana ni wun'wana laha nawu ni xileriso xa hosi a swi fika kona, Vayuda a va yimbelela va tsakile, ku tlhela ku va ni nkhuvo ni siku ra ximusi. Kutani vanhu lavo tala va tinxaka-xaka va tivula Vayuda, hikuva a va sungurile ku chava Vayuda swinene.