I Tikronika 7

₁Isakara a veleka vana va mune, va nga lava: Tola, na Puwa, na Yaxubu na Ximroni. ₂Vana va Tola i Uzi, na Refaya, na Yeriele, na Yahamayi, na Ibisamu, na Xemuwele; hi vona varhangeri va mindyangu ya ka Tola. A va ri tinhenha ta matimba. Enkarhini wa Davhida a va ringana 22 600. ₃N'wana Uzi i Yizirahiya; vana va Yizirahiya i Mikaele, na Obadiya, na Yuwele, na Yixiya. Va ka Uzi lava va ntlhanu a va ri varhangeri exikarhi ka va ka vona. ₄Ehansi ka vona a ku ri ni masocha layo tala yo ringana 36 000, hikuva va ka Uzi a va ri ni vasati lavo tala ni vana lavo tala. ₅Va ka Isakara hinkwavo hi ku ya hi mindyangu ya vona, a va ri 87 000; a va ri tinhenha ta matimba, va longoloka enyimpini hi ku tlhandlamana ka vona.

₆Vana va Benjamini i Bela, na Bekere, na Yediyaele; hinkwavo i vanharhu. ₇Vana va Bela i Esiboni, na Uzi, na Uziele, na Yerimoto, na Iri; hinkwavo i ntlhanu, naswona a va ri varhangeri va mindyangu ya ka vona; a va ri tinhenha ta matimba, kutani loko va longoloka enyimpini hi ku tlhandlamana ka vona, a va ringana 22 034. ₈Vana va Bekere i Zemira, na Yowasi, na Eliezere, na Eli-Howenayi, na Omri, na Yeremoto, na Abiya, na Anatoto, na Alemete; lava hinkwavo i vana va Bekere. ₉A va ri varhangeri va mindyangu ya ka vona, naswona a va ri tinhenha ta matimba; loko va longoloka enyimpini hi ku tlhandlamana ka vona, a va ringana 20 200. ₁₀Va ka Yediyaele hi lava: N'wana Yediyaele i Bilihani; vana va Bilihani i Yewuxi, na Benjamini, na Ehudi, na Kenaana, na Zetana, na Tarxixi, na Ahixakara. ₁₁Hinkwavo lava i va ka Yediyaele, hi ku ya hi mindyangu ya ka vona; a va ri tinhenha to ringana 17 200, va tshama va hlomile matlhari. ₁₂Van'wana i Xupama na Hupama. N'wana un'we wa Dani i Huximi.

₁₃Vana va Neftali i Yahasiele, na Guni, na Yesere, na Xalumi, kokwa wa vona a ri Biliha.

₁₄Vana va Manase i Asiriele na Makiri; mana wa vona a a ri Muaramu, nsati lontsongo wa Manase; n'wana Makiri i Giliyadi. ₁₅Makiri a teka nsati loyi va nge i Maaka, makwavo wa va ka Hupa ni va ka Xupa. N'wana wa vumbirhi wa Makiri a a ri Selofihada, kutani Selofihada a veleka vana va xisati ntsena. ₁₆Maaka a velekela Makiri vana vambirhi va xinuna, lowo sungula a n'wi thya vito ra Perexe, lowa vumbirhi a n'wi thya vito ra Xerexe. Vana va Xerexe i Ulamu na Rakeme. ₁₇N'wana Ulamu i Dedani. Vanhu lava hinkwavo i va ka Giliyadi n'wana Makiri wa Manase. ₁₈Makwavo wa Giliyadi wa xisati i Hamoleketa, mana wa Ixihodo, na Abiezere, na Mahela. ₁₉Vana va Xemida i Ahiyana, na Xikeme, na Liki, na Aniyama.

₂₀Va ka Efrayimi hi lava: N'wana Efrayimi i Xutela; n'wana Xutela i Berede; n'wana Berede i Tahata; n'wana Tahata i Eleyada; N'wana Eleyada i Tahata; ₂₁n'wana Tahata i Zabada; n'wana Zabada i Xutela.

Vana van'wana va Efrayimi i Ezere na Eleyada. Kutani siku rin'wana va ya phangha swifuwo etikweni ra Gati, kambe vini va tiko rero va va dlaya. ₂₂Tata wa vona Efrayimi a va rila masiku layo tala, hiloko vamakwavo va ya va ya n'wi chavelela. ₂₃Kutani Efrayimi a tlhela a ya hlangana ni nsati wakwe, yena a tika a veleka n'wana wa xinuna; kutani Efrayimi a n'wi thya vito ra Beriya (hileswaku “ekhombyeni”), hikuva muti wa yena a wu wele hi khombo lerikulu. ₂₄Efrayimi a a ri ni n'wana wa xisati loyi a va ku i Xera; hi yena la nga aka muti wa Beta-Horoni etlhelweni ra le magangeni ni le tlhelweni ra le nkoveni; a aka ni muti wa Uzeni-Xera.

₂₅N'wana Beriya i Refa; n'wana Refa i Rexefi; n'wana Rexefi i Tela; n'wana Tela i Tahani; ₂₆n'wana Tahani i Ladani; n'wana Ladani i Amihudi; n'wana Amihudi i Elixama; ₂₇n'wana Elixama i Nuni; n'wana Nuni i Yoxuwa.

₂₈Emugangeni lowu va ka Efrayimi va averiweke wona, a ku ri ni muti wa Betele ni swimitana swa wona; evuxeni bya wona a ku ri ni muti wa Naarani, kasi hi tlhelo ra vupeladyambu, a ku ri ni muti wa Gezere ni wa Xikeme ni swimitana swa yona, swi nava swi ya fika ni le mutini wa Ayiya ni swimitana swa wona. ₂₉Endzilekaneni wa va ka Efrayimi ni va ka Manase, a ku ri ni miti leyi, ni swimitana swa yona: Beta-Xeyani, na Taanaka, na Megido, na Dori. Leyi hi yona miti ya va ka Yosefa n'wana Israele.

₃₀Va ka Asere hi lava: Vana va Asere i Yimna, na Yixivha, na Yixivhi, na Beriya; makwavo wa vona wa xisati a a ri Seraka. ₃₁Vana va Beriya i Hebere, na Malikiele tata wa Birizayiti. ₃₂Hebere a a ri tata wa Yafelete, na Xomere, na Hotamu; makwavo wa vona wa xisati a a ri Xuwa. ₃₃Vana va Yafelete i Pasaka, na Bimihala, na Axivata; lava hi vona va ka Yafelete. ₃₄Vana va Xomere makwavo wa Yafelete i Rohoga, na Yehuba, na Aramu. ₃₅Vana va Hotamu makwavo wa Yafelete i Sofa, na Yimna, na Xelexi, na Amali. ₃₆Vana va Sofa i Suwaka, na Harinefere, na Xuwala, na Beri, na Imra, ₃₇na Beseri, na Hodi, na Xama, na Xilixa, na Yitirani, na Bera. ₃₈Vana va Yetere i Yefune, na Pisipa, na Ara. ₃₉Vana va Ula i Ara, na Haniele, na Risiya. ₄₀Vanhu lava hinkwavo, hi vona va ka Asere; a va ri varhangeri va mindyangu ya ka vona, ni tinhenha ta matimba, va tiva ku fambisa mavuthu; loko va hloma matlhari va longoloka enyimpini hi ku tlhandlamana ka vona, a va ringana 26 000.