I Tikronika 27

₁Lava hi vona vakulukumba lava a va tirhela hosi Davhida, va ri varhangeri va mindyangu, ni tindhuna ta masocha ya 1 000 ni ya 100, ni valanguteri va tiko. N'hweti yin'wana ni yin'wana, a ku huma mavuthu yo karhi, ya masocha ya 24 000, ma tirha n'hweti hinkwayo, kutani ma nyizela man'wana mavuthu, va endlisa sweswo lembe hinkwaro. Mavito ya vafambisi va mavuthu ya kona hi lawa:

Vavanuna lava, a va ri vona varhangeri va tinyimba ta Vaisraele. ₂₃Davhida a nga ringetanga ku kuma nhlayo ya vana va xinuna va Israele, va malembe ya 20 ku ya ehansi, hikuva HOSI Xikwembu a xi n'wi tshembisile ku andzisa Vaisraele, va kondza va ringana ni tinyeleti hi ku tala. ₂₄Yowabu n'wana Seruya yena ú sungurile ku va hlaya, kambe a nga hetanga, hikuva ntirho lowu wa ku hlaya wu vangerile Vaisraele ku hlundzukeriwa hi Xikwembu; hikokwalaho nhlayo leyi ya vana a yi kona eka “Buku ya Matimu” ya hosi Davhida.

₂₅Mavito ya vahlayisi va rifuwo ra hosi Davhida hi lawa: Azimavhete, n'wana Adiele, a a ri mutameri wa xuma xa hosi le Yerusalema. Yonatani n'wana Uziya yena a a hlayisa rifuwo ra hosi ehandle ka Yerusalema, emitini, ni le swimitaneni, ni le makhokholweni. ₂₆Ezri n'wana Kelubi a a langutela ntirho wa varimi emasin'wini. ₂₇Ximeyi wa le Rhama a a hlayisa masimu ya vhinya. Vhinyo ya kona ni swibya leswi yi cheriwaka eka swona, a swi ri emavokweni ya Zabidi wa le Xifimi. ₂₈Mirhi ya mitlhwari ni mikuwa ya le timbaleni a yi languteriwa hi Baala-Hanana wa le Gedere. Mafurha ni swibya swa wona a swi ri emavokweni ya Yowasi. ₂₉Xitrayi wa le Xaroni a a risa tihomu ta hosi emagangeni ya ka vona le Xaroni; kasi emadyelweni ya le minkoveni, a ku risa Xafati, n'wana Adilayi. ₃₀Obili wa ka Iximaele a a hlayisa tikamela; timbhongolo tona a ti languteriwa hi Yehedeya wa le Meronoti. ₃₁Tinyimpfu ni timbuti a ti risiwa hi Yazizi wa le Hageri. Vavanuna lava hinkwavo a va ri vona vahlayisi va rifuwo ra hosi Davhida.

₃₂Yonatani makwavo wa tata wa Davhida, a a ri mutsundzuxi wa hosi; leswi a a ri munhu wo tlhariha, la tivaka ni ku tsala, a a dyondzisa ni vana va hosi, a ri na Yehiele, n'wana Hakimoni. ₃₃Ahitofele na yena a a ri mutsundzuxi wa hosi Davhida. Munghana wa hosi a a ri Huxayi wa le Ariki. ₃₄Vatsundzuxi va Davhida endzhaku ka loko Ahitofele a lovile, a va ri Yoyada n'wana Benaya, na Abiyatara. Ndhunankulu ya mavuthu ya hosi, a a ri Yowabu.