Pisalema ya 8

₁We HOSI, N'wini wa hina,

vito ra wena ri dzuneka ngopfu emisaveni hinkwayo!

Wena u vekeke ku kwetsima ka wena

ehenhla ka matilo,

₂u tiendlerile rirhangu hi milomo ya tindzumulo

ni ya swihlangi swa le makatleni,

u vhika ha yona lava lwaka na wena,

u miyeta nala ni murihiseli.

₃Loko ndzi hlalela matilo lawa tintiho ta wena ti ma vumbeke,

ni n'weti, ni tinyeleti leti u ti vekeke evutshan'wini bya tona,

₄ndzi ri, munhu i ncini leswaku u va na mhaka na yena,

yena munhu wa nyama i mani leswaku u tikarhatela yena xana?

₅Kambe u n'wi vumbile a va ehansinyana ka wena,

u n'wi tlhandlekile harhi ya ku kwetsima ni ku twala.

₆U n'wi nyikile ku fuma swilo leswi mavoko ya wena ma swi vumbeke,

u vekile hinkwaswo swi va hansi ka minkondzo ya yena:

₇Swifuwo hinkwaswo, leswikulu ni leswitsongo,

ni swiharhi swa nhova,

₈ni tinyanyana empfhukeni ni tinhlampfi ematini,

ni swivumbiwa hinkwaswo leswi famba-fambaka elwandle.

₉We HOSI, N'wini wa hina,

vito ra wena ri dzuneka ngopfu emisaveni hinkwayo!