Pisalema ya 15

₁We HOSI, i mani la nga ta ku endzela eTempeleni ya wena, xana?

Ku ta aka mani entshaveni ya wena leyo hlawuleka, xana?

₂I munhu wa mahanyelo layo tenga

loyi a endlaka leswi lulameke,

la vulaka leswi tiyeke hilaha swi nga hakona embilwini ya yena.

₃Munhu wo tano a nga lumbeti van'wana,

a nga endleli nakulobye leswo biha,

ú chava ku hleva muakelani wa yena.

₄Ú sola vanhu lava nga pfuniki nchumu,

kambe a xixima lava va tirhelaka HOSI Xikwembu;

loko a hlambanyile, a nga hundzuki,

hambiloko swi nga n'wi vangela khombo.

₅A nga lavi ntswalo, loko a lombile munhu emali,

ú ala ni ku xaviwa leswaku a dlayisa la nga riki na nandzu.

La endlisaka sweswo

a nga ka a nga tsekatsekisiwi ni siku ni rin'we.