Pisalema ya 136

₁Tlangelani HOSI, hikuva yi ni vunene!

— Rirhandzu ra yona hi leri nga heriki —

₂Tlangelani Xikwembu lexikulu ngopfu!

— Rirhandzu ra xona hi leri nga heriki —

₃Tlangelani yena N'wini wa hinkwaswo!

— Rirhandzu ra yena hi leri nga heriki —

₄Ú endle swihlamariso leswikulu a ri yexe.

— Rirhandzu ra yena hi leri nga heriki —

₅Ú vumbe matilo hi vutlhari.

— Rirhandzu ra yena hi leri nga heriki —

₆Ú andlarile misava ehenhla ka mati.

— Rirhandzu ra yena hi leri nga heriki —

₇Hi yena la endleke timboni letikulu ta le tilweni.

— Rirhandzu ra yena hi leri nga heriki —

₈Ú endle dyambu ku fuma nhlekanhi,

— Rirhandzu ra yena hi leri nga heriki —

₉a endla n'weti ni tinyeleti ku fuma vusiku.

— Rirhandzu ra yena hi leri nga heriki —

₁₀Hi yena la dlayeke mativula ya Vaegipta.

— Rirhandzu ra yena hi leri nga heriki —

₁₁Ú humesile Vaisraele etikweni ra Egipta,

— Rirhandzu ra yena hi leri nga heriki —

₁₂a va kutsula hi ntamu lowukulu ni mintirho ya matimba.

— Rirhandzu ra yena hi leri nga heriki —

₁₃Ú avanisile mati ya Lwandle-ro-Tshwuka ma endla tindhundhuma,

— Rirhandzu ra yena hi leri nga heriki —

₁₄kutani Vaisraele va tsemakanya hi le xikarhi,

— Rirhandzu ra yena hi leri nga heriki —

₁₅a tshika mati ma khubumeta Faro ni mavuthu ya yena.

— Rirhandzu ra yena hi leri nga heriki —

₁₆Ú fambisile vanhu va yena emananga,

— Rirhandzu ra yena hi leri nga heriki —

₁₇a dlaya tihosi leta matimba,

— Rirhandzu ra yena hi leri nga heriki —

₁₈a dlaya ni leto tiveka ngopfu,

— Rirhandzu ra yena hi leri nga heriki —

₁₉va nga va Sihoni hosi ya Vaamori,

— Rirhandzu ra yena hi leri nga heriki —

₂₀na Ogo hosi ya le Baxani.

— Rirhandzu ra yena hi leri nga heriki —

₂₁Kutani a teka tiko ra vona a ri nyika Vaisraele,

— Rirhandzu ra yena hi leri nga heriki —

₂₂a ri nyika wona malandza ya yena ri va ra wona.

— Rirhandzu ra yena hi leri nga heriki —

₂₃Hi yena la hi voneke loko hi xaniseka,

— Rirhandzu ra yena hi leri nga heriki —

₂₄kutani a hi lamulela eka valala va hina.

— Rirhandzu ra yena hi leri nga heriki —

₂₅Swivumbiwa hinkwaswo swi phamela hi yena.

— Rirhandzu ra yena hi leri nga heriki —

₂₆Tlangelani Xikwembu xa matilo!

— Rirhandzu ra xona hi leri nga heriki —