Pisalema ya 130

₁We HOSI, ndzi huwelela eka wena ndzi ri ekheleni leri enteke;

ndzi yingise, we N'wini wanga.

₂Rhiya ndleve u amukela xirilo xa mina,

loko ndzi kombela ku pfuniwa!

₃We HOSI, loko onge wa hi hlayela swidyoho swa hina,

xana i mani loyi a nga tiyelaka ku yima emahlweni ka wena we N'wini wa hina xana?

₄Kambe hi wena la hi rivalelaka, we HOSI.

Hikokwalaho vanhu a va ku kombe xichavo.

₅Ndzi tshemba HOSI hi mbilu ya mina hinkwayo,

ndzi yimela ku twa rito ra yona.

₆Ndzi langutela N'wini wa hinkwaswo

ku tlula valanguteri nivusiku loko va langutela vurhonga,

ina, ku tlula valanguteri lava langutelaka vurhonga!

₇N'wina Vaisraele, langutelani HOSI,

hikuva rirhandzu ra yona ra tshembeka,

naswona yi hi kutsurile ko tala.

₈Ya ha ri yona leyi nga ta mi kutsula

eswidyohweni swa n'wina hinkwaswo.