Pisalema ya 123

₁Ndzi languta eka wena,

wena la fumaka a ri ematilweni.

₂Malandza ya xinuna ni ya xisati

a ma tshiki ku languta eka vinyi va wona.

Hi mukhuva wolowo na hina a hi tshiki ku languta eka HOSI Xikwembu xa hina,

xi kondza xi hi twela vusiwana.

₃Hi twele vusiwana we HOSI, u hi tsetselela,

hikuva hi soriwile ku tlula mpimo.

₄I khale hi ri karhi hi dyisiwa mbitsi,

hi sandziwa hi lava va nga tshamiseka,

va nga va manyunyu lava va hi langutelaka ehansi.