Matewu 21

₁Kuteloko va tshinelela Yerusalema, va fika eBetefage eNtshaveni ya Mitlhwari. Kutani Yesu a rhuma vadyondzisiwa vambirhi, ₂a ku ka vona: “Yanani emutini lowu vonakaka lahaya, mi ta hatla mi kuma mbhongolo ya ntswele leyi bohiweke, yi ri ni ximbhongolwana xa yona; mi ti ntshunxa, mi ta na tona haleno. ₃Loko munhu a mi vutisa xo mi vutisa, mi ta ku: ‘Hosi ya ti lava.’ Kutani ú ta hatla a mi nyiketa tona.”

₄Swilo leswi swi endliwile leswaku ku hetiseka rito ra muprofeta la nga te:

₆Vadyondzisiwa va ya, va ya endla hilaha Yesu a nga va lerisa hakona; ₇va tisa mbhongolo ni ximbhongolwana xa kona, va kapeka tinguvu ta vona ehenhla ka tona, kutani Yesu a gada. ₈Kutani vanhu lavo tala va andlala tinguvu ta vona endleleni, van'wana va tshova switluka swa mirhi, va andlala endleleni. ₉Mintshungu leyi n'wi rhangeleke emahlweni, ni leyi yi n'wi landzeke hi le ndzhaku, yi huwelela yi ku:

₁₀Kuteloko Yesu a nghenile Yerusalema, vanhu hinkwavo va muti va yima-yimeka, va ku: “Munhu loyi, i mani xana?” ₁₁Kutani mintshungu yi hlamula yi ku: “Munhu loyi i Yesu, muprofeta la humaka eNazareta wa Galeliya.”

₁₂Kutani Yesu a nghena eTempeleni, a hlongola hinkwavo lava xavisaka ni lava xavaka Tempeleni, va humela handle; a wisetela matafula ya lava bindzurisaka mali, ni switshamu swa lava xavisaka matuva, ₁₃a ku ka vona: “Ku tsariwile leswi:

₁₄Lavo-fe-mahlo ni lavo khwita va ta ka Yesu eTempeleni, kutani a va hanyisa. ₁₅Kambe vaprista lavakulu ni vatsari va hlundzuka ngopfu loko va vona mahlori lawa a ma endlaka, ni loko va twa vana lava huwelelaka eTempeleni va ku: “Hozana eka N'wana Davhida!” ₁₆Hiloko va ku ka yena: “Xana wa swi twa leswi vana lava va vulaka swona xana?” Yesu a ku ka vona: “Ina! Xana a mi si hlaya rito leri nge: ‘U dzunisiwile hi ndlela leyo hetiseka hi milomo ya vana ni ya lava mamaka’ xana?” ₁₇Kutani a suka a va siya, a huma emutini ku ya eBetaniya, a ya etlela kona.

₁₈Nimixo loko a vuyela emutini, a twa ndlala; ₁₉kutani a vona nkuwa kusuhi ni ndlela; a hambuka a ya eka wona, kambe a nga kumanga nchumu eka wona loko ma nga ri matluka ntsena; hiloko a ku ka murhi lowu: “A ku nga ha kumeki mihandzu eka wena ni siku ni rin'we!” Hi nomu lo nkuwa wu oma. ₂₀Loko vadyondzisiwa va swi vona, va hlamala va ku: “Xana nkuwa lowu wu omise ku yini hi ku hatlisa ke?” ₂₁Yesu a va hlamula a ku: “Ndzi tiyisile ndzi ri ka n'wina, loko mi ri ni ku pfumela mi nga kanakani, a mi nga endli leswi endliweke eka nkuwa lowu ntsena, kambe ni loko mi ku eka ntshava leyi: ‘Suka, u ya tihoxa elwandle!’ swi ta endleka; ₂₂naswona hinkwaswo leswi mi swi kombelaka hi ku khongela, loko mi pfumela, mi ta nyikiwa swona.”

₂₃Kuteloko Yesu a fikile eTempeleni, vaprista lavakulu ni vakulukumba va tiko va ta ka yena loko a ri karhi a dyondzisa, va ku ka yena: “Xana u endla swilo leswi hi matimba wahi ke? Naswona matimba walawo, u nyikiwile hi mani xana?” ₂₄Yesu a va hlamula, a ku: “Na mina, ndzi ta mi vutisa xivutiso xin'we; loko mi ndzi hlamula xona, hi kona na mina ndzi nga ta mi byela lomu matimba lawa ndzi tirhaka ha wona, ma humaka kona. ₂₅Xana nkhuvulo wa Yohane a wu huma kwihi ke? A wu huma etilweni, kumbe eka vanhu ke?” Vona va kanetana va ku: “Loko hi ku: ‘A wu huma etilweni’, ú ta ku: ‘Loko swi ri tano, hikwalaho ka yini mi nga pfumelanga eka yena ke?’ ₂₆Kambe loko hi ku: ‘A wu huma eka vanhu’, hi chava ntshungu, hikuva hinkwavo va kholwa leswaku Yohane a a ri muprofeta.” ₂₇Kutani va hlamula Yesu, va ku: “A hi swi tivi!” Hiloko a ku ka vona: “Na mina, a ndzi nga mi byeli lomu matimba lawa ndzi tirhaka ha wona, ma humaka kona.

₂₈“Xana mi ri yini hi mhaka leyi? Munhu a a ri ni vana vambirhi; a ya eka lowo rhanga, a ku: ‘N'wananga, yana u ya tirha ensin'wini ya mina ya vhinya namuntlha.’ ₂₉N'wana loyi a hlamula a ku: ‘A ndzi yi!’ kambe endzhaku a sala a tiehleketa, a ya. ₃₀Tata wa kona a ya eka lowun'wana, a n'wi byerisa sweswo. Yoloye a hlamula a ku: ‘Ndzi ta ya tatana!’ kambe a nga yi. ₃₁Xana eka vona lavambirhi, hi wihi loyi a nga endla ku rhandza ka tata wa yena xana?” Va ku ka yena: “Hi lowo rhanga.” Yesu a ku ka vona: “Ndzi tiyisile ndzi ri ka n'wina, valuvisi ni tinghwavava va mi rhangela ku nghena eMfun'weni wa Xikwembu. ₃₂Hikuva Yohane ú tile eka n'wina a ta mi tivisa ta ndlela ya ku lulama, kambe a mi pfumelanga timhaka ta yena; kasi valuvisi ni tinghwavava, wona va pfumerile; kutani n'wina, hambi mi swi vonile, a mi vanga ni ku tiehleketa endzhaku ka swona, ni ku pfumela a mi pfumelanga timhaka ta yena.

₃₃“Yingisani xifaniso xin'wana: A ku ri ni nkulukumba un'wana loyi a a byarile mirhi ya vhinya ensin'wini ya yena; a biyela hi rihlampfu, a cela xikamelo xo pyanyela kona mihandzu, a aka ni xihondzo; kutani a lerisa vatirhi ku sala va swi vona, yena a teka riendzo a famba. ₃₄Loko nkarhi wa ku tshovela mihandzu wu ri kusuhi, a rhuma malandza ya yena eka vatirhi, ku ya teka mihandzu ya nsimu ya yena. ₃₅Kutani vatirhi va khoma malandza lawa, va ba un'wana, un'wana va n'wi dlaya, un'wana va n'wi khandla hi maribye. ₃₆A tlhela a rhuma malandza man'wana lama tlulaka layo rhanga hi ku tala, kambe na wona ma endliwa tanihi layo rhanga. ₃₇Endzhaku ka swona a rhuma n'wana wa yena eka vona, a ku: ‘Va ta chava n'wana wa mina.’ ₃₈Kambe loko vatirhi va vona n'wana loyi, va byelana va ku: ‘Mudyandzhaka hi loyi! Tanani hi n'wi dlaya, hi ta kuma ndzhaka ya yena.’ ₃₉Kutani va n'wi khoma, va n'wi cukumeta ehandle ka nsimu, va n'wi dlaya. ₄₀Xana loko n'wini wa nsimu a vuya, ú ta endla yini hi vatirhi valavo ke?” ₄₁Va hlamula Yesu va ku: “Ú ta lovisa vanhu lavo biha lava va hela; nsimu ya vhinya, ú ta yi veka emavokweni ya vatirhi van'wana lava nga ta n'wi nyika mihandzu hi nguva ya kona.”

₄₂Yesu a ku ka vona: “Xana a mi si tshama mi hlaya, eMatsalweni, mhaka leyi nge:

₄₃“Hikokwalaho ndza mi byela leswaku mi ta tekeriwa Mfumo wa Xikwembu; kutani wu ta nyikiwa tiko rin'wana leri nga ta veka mihandzu ya wona.

₄₄“[Loyi a nga ta wela ehenhla ka ribye rero ú ta phyandleka; naswona ri ta phyandlasa loyi ri nga ta n'wi wela henhla.]”

₄₅Loko vaprista lavakulu ni Vafarisi va twa swifaniso leswi swa Yesu, va tiva leswaku ú vula vona; ₄₆kutani va lava ku n'wi khoma, kambe va chava mintshungu, hikuva a yi ku: “I muprofeta!”