Yobo 25

₂“We Yobo, ku fuma ni ku chaviseka i swa Xikwembu,

xi nyika ku rhula xi ri henhla ematilweni.

₃Xana ntsengo wa tinhenha ta xona wa hlayeka ke,

i mani loyi dyambu ra xona ri nga n'wi tlhaveriki, xana?

₄Emahlweni ka xona, ku hava la pfumalaka nandzu,

munhu wa nyama a nge vi la tengeke eka xona.

₅Leswi n'weti wu nga hatimiki ku ringana,

na tona tinyeleti ti nga basangiki emahlweni ka Xikwembu,

₆xana munhu wa nyama a nga va ni nkoka muni,

leswi a ngo va xihehli kumbe xivungunyana, ke?”