Genesa 10

₁Lava i vatukulu va Nowa, va nga vana va Xeme na Hamu na Yafeta, lava velekiweke endzhaku ka ndhambi ya mati.

₂Vana va Yafeta hi lava: Gomere, na Magogo, na Madayi, na Yavhani, na Tubala, na Mexeke, na Tirasi. ₃Vana va Gomere hi lava: Axikenazi, na Rifata, na Togarima. ₄Vana va Yavhani hi lava: Elixa, na Tarxixi, na Kipra, na Rhoda. ₅Eka vona lava, ku humile vanhu lava hangalakeke ematikweni lama nga etibuweni ta malwandle, hi ku ya hi tinxaka ta vona leti vulavulaka tindzimi to hambana-hambana.

₆Vana va Hamu hi lava: Kuxi, na Egipta, na Putu, na Kanana. ₇Vana va Kuxi hi lava: Seba, na Havhila, na Sabita, na Rhama, na Sabiteka. Vana va Rhama hi lava: Xeba na Dedani. ₈Kuxi ú velekile Nimrodo, yena loyi a nga va nhenha yo sungula laha misaveni. ₉Emahlweni ka HOSI Xikwembu, Nimrodo a a tiveka a ri muhloti lonkulu. Hikokwalaho ku hume xivuriso lexi nge: “Ú fana na Nimrodo, muhloti lonkulu emahlweni ka HOSI Xikwembu.” ₁₀Loko Nimrodo a sungula ku fuma, a a fuma miti leyi: Babele, na Ereke, na Akade, hinkwayo yi ri etikweni ra Xinara. ₁₁Ú suke laha tikweni leri, a ya le Asiriya a fika a aka miti leyi: Ninivha, na Rehoboto-Ira, na Kala, ₁₂ni muti wa Resene lowu nga xikarhi ka Ninivha ni muti lowukulu wa Kala. ₁₃Egipta ú velekile vana lava: Ludu, na Anamu, na Lehaba, na Nafetuhi, ₁₄na Patroso, na Kasiluhi, na Kafitoro, yena kokwa wa Vafilista.

₁₅Kanana a veleka Sidoni mativula ya yena, a veleka na Heti. ₁₆Kanana hi yena tata wa Vayebusi, ni Vaamori, ni Vagirigaxi, ₁₇ni Vahivhi, ni Vaariki, ni Vasini, ₁₈ni Vaarivhada, ni Vasemari, ni Vahamata. Kutani va ka Kanana va sungula ku hangalaka ni matiko; ₁₉ndzilekana wa tiko ra vona wu sungula eSidoni wu kongoma eGerara, wu ya fika eGaza; kutani wu jika wu kongoma etlhelo ra Sodoma na Gomora, na Adama, na Seboyimi, wu ya helela eLaxa. ₂₀Lava hi vona vana va Hamu, lava tshameke ematikweni ya vona, va vulavula tindzimi to hambana-hambana hi ku ya hi tinxaka ta vona.

₂₁Xeme, yena hosi ya Yafeta, kokwa wa va ka Ebere hinkwavo, ú velekile vana lava: ₂₂Elamu, na Axuru, na Aripakixada, na Ludi, na Aramu. ₂₃Vana va Aramu hi lava: Usi, na Hulu, na Getere, na Maxa. ₂₄Aripakixada ú velekile Xela, kutani Xela a veleka Ebere, ₂₅Ebere a veleka vana vambirhi: Un'wana vito ra yena a a ri Pelege (hileswaku “ku avana”, hikuva enkarhini wa yena matiko ma avene). Makwavo wa yena a a ri Yokotani. ₂₆Yokotani ú velekile Alimodada, na Xelefi, na Hasari-Mavheti, na Yera, ₂₇na Hadorama, na Uzala, na Dikila, ₂₈na Obala, na Abimaele, na Xeba, ₂₉na Ufira, na Havhila, na Yobabu. Lava hinkwavo hi vona vana va Yokotani. ₃₀Tiko leri a va tshama eka rona a ri sukela eMexa, ri ya fika eSefara, emagangeni ya le vuxeni. ₃₁Lava hi vona vana va Xeme lava tshamaka ematikweni ya vona va vulavula tindzimi to hambana-hambana, hi ku ya hi tinxaka ta vona.

₃₂Lava hi vona vatukulu va Nowa hi ku ya hi mindyangu ya vona ni matiko ya vona. Ematikweni lawa, ku humile vanhu lava hangalakeke emisaveni, endzhaku ka ndhambi ya mati.