TIPISALEMA 99

₁Yehovha wa fuma, matiko ma rhurhumela;

U tshamile exikarhi ka tikerubu; misava ya tsekatseka.

₂Yehovha u lonkulu eSiyoni,

U tlakukile ehenhla ka matiko hinkwawo.

₃A va dzunise vito ra wena lerikulu leri chavisaka,

Hikuva ri hlawulekile!

₄A va dzunise matimba ya Hosi leyi rhandzaka ku lulama!

Hi wena la tiyisaka ku lulama,

La humeseleke Yakobo ku avanyisa ni ku lulama.

₅Dzunisani Yehovha, Xikwembu xa hina,

Mi khinsama emahlweni ka vunavelo bya milenge ya yena,

Hikuva u hlawulekile!

₆Muxe na Aroni exikarhi ka vaprista va yena;

Na Samiele, un'wana wa lava khongelaka vito ra yena,

Va khongele Yehovha, kutani a va yingisa.

₇A vulavula na vona epapeni;

Va hlayisa ku lerisa ka yena,

Ni milawu leyi a nga va nyika yona.

₈Oho Yehovha,

Xikwembu xa hina u va yingisile,

U vile eka vona Xikwembu lexi va rivalelaka,

Kambe u rihisile ku dyoha ka vona.

₉Dzunisani Yehovha, Xikwembu xa hina,

Mi n'wi khinsamela entshaveni leyo kwetsima ya yena;

Hikuva u hlawulekile,

Yehovha, Xikwembu xa hina!