TIPISALEMA 28

₁Yehovha, ndzi huwelela eka wena!

Ribye ra nga! U nga ndzi siveli tindleve ta wena:

Swi nga ku, kumbexana loko u ndzi miyelela,

Ndzi nga va tani hi lava ngirimelaka esirheni.

₂Yingisa rito ra mikhongelo ya mina loko ndzi huwelela eka wena,

Ni loko ndzi tlakusa mavoko ya mina evukwetsimelweni bya wena.

₃U nga ndzi susi ni lavo biha, ni lava endlaka swo homboloka.

Lava vulaka ku rhula eka varikwavo, kasi lunya ri le timbilwini ta vona.

₄U va nyika leswi lulamelaka mitirho ya vona, ni lunya ra vona; U va hakela hi ntirho wa mavoko ya vona;

U va tlherisela hi laha va endleke hakona.

₅Hikuva a va anakanyi mitirho ya Yehovha,

Hambi wu ri ntirho wa mavoko ya yena.

U ta va wisa ehansi, a nga ka a nga va akisi.

₆A ku dzunisiwe Yehovha!

Hikuva u yingisile rito ra mikhongelo ya mina,

₇Yehovha i matimba ya mina ni xitlhangu xa mina;

Mbilu ya mina yi titshembele yena kutani ndzi pfunekile;

Mbilu ya mina yi tsakile hikwalaho,

Kutani ndzi n'wi twarisa hi tinsimu ta mina.

₈Yehovha i matimba ya tiko ra yena,

I khokholo ra ku hlayiseka ka muhlawuriwa wa yena.

₉Ponisa tiko ra wena, u va u katekisa ndzhaka ya wena!

U va risa, u va veleka hi laha ku nga heriki!