TIPISALEMA 149

₁Dzunisani Yehovha!

Yimbelelelani Yehovha risimu lerintshwa!

A a vongiwe enhlengeletanweni ya lava n'wi rhandzaka!

₂Israele a a tsakele muvumbi wa yena,

Vana va Siyoni a va tsakele hosi ya vona!

₃A va dzunise vito ra yena hi ku cina,

A va n'wi dzunise hi mpfumawulo wa tingoma ni wa tiharipa!

₄Hikuva Yehovha u tsakisiwa hi tiko ra yena,

U twarisa lava nga emahlomulweni hi ku va ponisa.

₅Lava n'wi rhandzaka a va tsake eku kwetsimeni,

A va be mikulungwana ya ku tsaka eswilawini swa vona.

₆Tinsimu ta Xikwembu a ti va emilon'wini ya vona,

Ni matlhari lama karihaka matlhelo mambirhi eswandleni swa vona,

₇Ku rihisa vamatiko, ni ku tshinya vanhu,

₈Va boha tihosi ta wona hi timpecana,

Ni tihosana ta wona hi khotso ra nsimbhi,

₉Va hetisa ka vona ku avanyisa loku tsariweke!

Hi kona ku twala loku hlayiseriweke vahlawuriwa va yena hinkwavo.

Dzunisani Yehovha!