TIPISALEMA 13

₁Oho Yehovha, u ta yisa kwihi ku ndzi rivala hi masiku xana?

U ta ndzi fihlela mombo wa wena ku yisa kwihi-ke?

₂Moya wa mina wu ta tivilerisa ku yini,

Ni mbilu ya mina yi ta va ni nhlomulo hi masiku ku yisa kwihi?

Nala wa mina u ta tshika rini ku ndzi pfukela?

₃Yehovha, Xikwembu xanga, languta, u ndzi hlamula!

U hanyanyisa mahlo ya mina,

₄Leswaku ndzi nga tshuki ndzi etlela vurhongo bya rifu,

Nala wa mina a nga tshuki a ku:

“Ndzi n'wi hlurile!”

₅Ni lava ndzi xanisaka va nga tshuki va tsaka loko ndzi tsekatseka.

Loko ndzi ri mina, ndzi tshembile tintswalo ta wena,

₆Mbilu yanga yi tsaka hi ku hlayiseka ka wena;

Ndzi ta twarisa Yehovha, hikuva u ndzi endle swinene.