TIPISALEMA 129

₁Israele a a vurise sweswo leswaku:

“Va ndzi xanisile swonghasi ka ha ri mpfhuka ndzi ri lontshwa,

₂Va ndzi xanisile swonghasi ka ha ri mpfhuka ndzi ri lontshwa,

Kambe a va ndzi hlulanga.

₃Varimi va rimile nhlana wa mina.

Endzeni ka wona va rimile tindlela ta ku enta.

₄Yehovha u lulamile:

U tsemile mapindza ya vabihi.”

₅A va khomiwe hi tingana,

a va tlhelele endzhaku,

Hinkwavo lava vengaka Siyoni!

₆A va fane ni byanyi lebyi milaka elwangwini,

Lebyi omaka byi nga si tsuvuriwa!

₇Mutshoveri a nga tata voko ra yena ha byona,

Mubohi wa swikatsa a nga byi rhwali evokweni ra yena,

₈Na vona vahundzi va ndlela va nga vuri, va ku:

“Ku kateka ka Yehovha a ku ve na n'wina!

Ha mi katekisa hi vito ra Yehovha!”