TIPISALEMA 126

₁Loko Yehovha a vuyisa vakhomiwa va Siyoni,

A hi fana ni lava lorhaka.

₂Milomu ya hina a yi nga tshiki ku hleka hi ku tsaka,

Ririmi ra hina a ri ba mikulungwana.

Kutani a va ku exikarhi ka matiko:

Yehovha u va endlele swilo leswikulu!

₃Hakunene,

Yehovha u hi endlele leswikulu;

Hi tsakile ngopfu hikwalaho!

₄Yehovha, vuyisa vakhomiwa va hina,

Kukotisa milambu ya le dzongeni.

₅Lava byalaka loko va ri karhi va rila,

Va ta tshovela va huwelela hi ku tsaka.

₆Va famba va ri karhi va rila loko va hlwanya mbewu,

Va vuya va yimbelela tinsimu loko va rhwala tinyandza ta vona.