TIPISALEMA 122

₁Ndzi tsakile loko va te eka mina:

A hi yeni endlwini ya Yehovha!

₂Milenge ya mina yi yimile

Etinyangweni ta wena, Yerusalema,

₃Yerusalema, la akiweke,

Wu nga muti lowu manyaneke,

₄Laha tinxaka ta Yehovha ti tlhandlukelaka kona

Hi nawu wa Israele, ku dzunisa vito ra Yehovha.

₅Hikuva hi kona ku vekiweke swiluvelo swa ku avanyisa,

Swiluvelo swa yindlu ya Davhida.

₆Kombelani ku rhula ka Yerusalema!

Lava ku rhandzaka, a va tshame eku rhuleni!

₇Ku rhula a ku ve endzeni ka rirhangu ra wena,

Ni ku etlela ka tiko etindlwini ta wena ta vuhosi!

₈Hikwalaho ka vamakwerhu ni vanakulorhi,

Ndzi navela ku rhula ka wena.

₉Hikwalaho ka yindlu ya Yehovha, Xikwembu xa hina,

Ndzi ta lava vunene bya wena.