TIPISALEMA 116

₁Ndzi rhandza Yehovha,

hikuva u yingisile rito ra mina,

Ni ku sindzisa ka mina.

₂Hikuva u ndzi rhiyele ndleve ya yena,

Kutani ndzi ta n'wi khongela evutomini bya mina hinkwabyo.

₃Mapindza ya rifu a ma ndzi tsondzerile,

Maxangu ya sirha a ma ndzi khomile,

A ndzi kumile ni gome ni ku vaviseka,

₄Kutani ndzi khongerile vito ra Yehovha:

“Oho Yehovha, ponisa moya wanga!”

₅Yehovha u ni tintswalo ni ku lulama,

Xikwembu xa hina xi tele nsovo.

₆Yehovha wa hlayisa lava pfumalaka mano;

A ndzi ri ekhombyeni, kutani u ndzi ponisile.

₇Moya wa mina, tlhelela eku wiseni ka wena,

Hikuva Yehovha u ku katekisile.

₈Ina, u lamurile moya wanga eku feni,

Mahlo ya mina eswirilweni, ni milenge ya mina eku weni.

₉Ndzi ta famba emahlweni ka Yehovha

Emisaveni ya lava hanyaka.

₁₀Ndzi pfumerile, hikwalaho ndzi vurile;

A ndzi ri ekhombyeni lerikulu!

₁₁Emahikeni ya mina, ndzi te:

“Munhu un'wana ni un'wana u ni vunwa.”

₁₂Ndzi ta tlangela Yehovha hi yini?

Mikateko hinkwayo ya yena yi le henhla ka mina.

₁₃Ndzi ta tlakusa ndzheko wa xilamulelo,

Kutani ndzi ta khongela vito ra Yehovha.

₁₄Ndzi ta tirha ku hlambanya ka mina, eka Yehovha,

Emahlweni ka tiko ra yena hinkwaro.

₁₅Ri ni risima eka Yehovha,

Rifu ra varhandziwa va yena.

₁₆Hakunene, Yehovha, ndzi nandza wa wena,

Ndzi nandza wa wena, n'wana wa nandza wa wena wa wansati,

U tshunxile mapindza ya mina.

₁₇Ndzi ta ku gandzela hi timhamba ta mikhenso,

Ndzi ta vitana vito ra Yehovha.

₁₈Ndzi ta tirha ku hlambanya ka mina

Emahlweni ka tiko hinkwaro ra yena,

₁₉Erivaleni ra Yindlu ya yena.

Exikarhi ka wena, Yerusalema!

Dzunisani Yehovha!