1U nga naveli vanhu va nsele,
U nga naveli ku tshama na vona;
2Hikuva timbilu ta vona ti kanela ku onhaka,
Ni milomu ya vona yi vulavula swo homboloka.
3Yindlu yi akiwa hi vutlhari,
Yi tiyisiwa hi ku twisisa;
4Hi ku tiva, makamara ya yona ma tala
Hi rifuwo ra risima leri tsakisaka.
5La tlhariheke u ni matimba,
Ni munhu wo dyondzeka u tiyisa matimba ya yena;
6Hikuva u ta huma nyimpi hi ku twisisa,
Kutani ku hlayiseka ku le vunyingini bya vatsundzuxi.
7Vutlhari byi tlakukile, byi tlula xihunguki;
Ehubyeni a xi na nomu.
8La kanelaka leswo biha
U vuriwa n'wansele.
9Makungu ya vuhunguki i xidyoho ntsena,
Ni musori i manyala eka vanhu.
10Loko u tsana esikwini ra khombo,
Matimba ya wena matsanana.
11Kutsula lava yisiwaka eku feni,
U ponisa lava yaka eku dlayiweni va karhi va dedeleka.
12Loko u ku: “A ndzi va tivanga!”
La pimaka timbilu a nga swi voni xana?
Loyi a xiyaka moya wa wena a nga swi tivi xana?
A nga ka a nga hakeli munhu ha un'we hi ku ringanisa mitirho ya yena xana?
13N'wananga, dyana vulombe, hikuva bya nandziha,
Ni xihlenga xa byona, xi ta nandziha emalakeni ya wena.
14Ku tiva vutlhari ku ta va tano emoyeni wa wena;
Loko u byi kuma byi ta va kona hi masiku,
Ni ntshembo ya wena yi nga ka yi nga lahleki.
15U nga celeri yindlu ya lowo lulama makhele,
U nga onhi laha a wisaka kona;
16Hikuva la lulameke, hambi a nga wa kantlhanu na kambirhi, u ta pfuka,
Kambe vadyohi loko va khunguvanyekile va wela eku biheni.
17U nga tsakeli ku wa ka nala wa wena loko a khunguvanyekile,
U nga khindlimuki embilwini ya wena;
18Kumbe xana loko Yehovha a vona sweswo, swi ta biha emahlweni ya yena,
A tingisa vukari bya yena byi n'wi sukela.
19U nga vileri hikwalaho ka lava dyohaka,
U nga vondzoki vadyohi;
20Hikuva lavo biha a va na ku tshemba eka leswi nga ta ta,
Rivoni ra lavo biha ri ta timeka.
21N'wananga, chava Yehovha ni hosi,
U nga toloveli va timholovo;
22Hikuva khombo ra vona ri ta fika kan'wekan'we,
I mani la tivaka ku onhaka ka un'wana ni un'wana wa vona?
23Lawa, ma ha ri marito ya lavo tlhariha.
Ku languta vanhu hi nghohe eku avanyiseni, a swi saseki.
24La nge eka mudyohi: “U lulamile!”
Vanhu va ta n'wi rhuketela, matiko ma ta n'wi nyenya.
25Kambe lava n'wi holovelaka va ta tsaka,
Va ta humelela hi ku kateka lokunene.
26La hlamulaka hi marito manene,
U ntswontswa munhu enon'wini.
27Sasa mitirho ya wena ehandle,
U lunghisa ni nsimu ya wena,
U ta tiva ni ku aka yindlu ya wena.
28U nga vi mbhoni ku lwa ni warikwenu ku nga ri na mhaka;
U nga dyelerisa ku yini hi milomu ya wena?
29U nga tshuki u ku:
“Leswi a ndzi endleleke swona ndzi ta n'wi endla,
Ndzi ta tlherisela eka un'wana ni un'wana hi mitirho ya yena.”
30Ndzi tshama ndzi hundza ensin'wini ya lolo,
Ni le vhinyeni ya loyi a hungukeke.
31Ndzi vona ku mirile madinda,
Ni rikumbakumba ri funengetile hinkwako,
Kutani rirhangu ra maribye ri mbundzumukile.
32Loko ndzi ri mina, ndzi langutisisa,
Ndzi anakanya, ndzi kuma dyondzo kona;
33Vurhongwanyana, ni ku khudzehelanyana,
Ni ku khondla mavoko ku tilata,
34Vusiwana byi ta ta byi ku tshukisa kukota muendzi,
Ni ndlala kukota munhu la hlomeke.
