Ta mihlengo ya tihosi ta Israele.
1Siku Muxe a hetiseke ku yimisa Yindlu, ni ku yi kwetsimisa, ni ku yi hlawula swin'we ni swibya hinkwaswo swa yona; kuteloko a swi kwetsimisile, ni loko a swi hlawurile, 2tihosi ta Israele, ti nga tihosi ta tindlu ta vatata wa vona leti fumaka etinyimbeni, ti nga leti pfuneke ku hlaya vanhu, 3ti humesa mihlengo ya tona, ti yi tisa emahlweni ka Yehovha: ti ri tigolonyi ta 6 leti nga ni malwango, ni tihomu ta 12; golonyi yin'we yi ri ya tihosi timbirhi, ni homu yin'we ya hosi yin'wana ni yin'wana va swi humesa emahlweni ka Yindlu.
4Kutani Yehovha a byela Muxe, a ku: 5“U swi amukela eka vona, swi ta pfuna ku tirha ntirho wa tabernakela ya nhlengeletano, u ta swi nyika Valevhi, eka un'wana ni un'wana hi ntirho wa yena.” 6Kavaloko Muxe a teka tigolonyi ni tihomu, a nyika Valevhi. 7A nyika tigolonyi letimbirhi ni tihomu ta mune eka vana va Gerixoni, hilaha va swi pfumaleke hakona entirhweni wa vona. 8A nyika tigolonyi ta mune ni tihomu ta 8 eka vana va Merari, hilaha va swi pfumaleke hakona entirhweni wa vona, va ri emavokweni ya Itamara, n'wana Aroni, muprista. 9Loko va ri vana va Kohata, a nga va nyikanga swona, hikuva leswi va tirhelaka swilo leswi hlawuriweke va swi pinga emakatleni. 10Tihosi ti humesa mihlengo ya tona ya ku khangula alitari, siku va yi kwetsimisaka: tihosi ti humelela emahlweni ka alitari ti ri ni mihlengo ya tona. 11Kutani Yehovha a ku eka Muxe: “Tihosi a ti humese mihlengo ya tona, yin'wana hi siku rin'wana, ni yin'wana hi siku rin'wana ku khangula alitari.”
12La humeseke nhlengo wa yena siku ro rhanga a a ri Nahaxoni, n'wana Aminadaba, wa nyimba ya Yuda. 13Nhlengo wa yena a wu ri nkamba wa silivhere; ku tika ka wona a ti ri tixikele ta 130, ni nkambana wa silivhere wa tixikele ta 70, hi xikele ya vukwetsimelo; mikamba leyimbirhi a yi tele hi mapa layo saseka lama pfuviweke hi mafurha, ma va ya nyiko; 14ni ndzheko wa nsuku wa tixikele ta 10, lowu teleke hi mirhi ya risuna; 15ni nkunzi ni khuna, ni xinyimpfana xa lembe rin'we ya holokosta, 16ni xiphongo xa gandzelo ra xidyoho; 17ni swa gandzelo ra ku khensa, tinkunzi timbirhi, ni makhuna ya 5, ni swiphongo swa 5, ni swinyimpfana swa 5 swa lembe. Hi wona nhlengo wa Nahaxoni, n'wana Aminadaba.
18Siku ra vumbirhi, Netanele n'wana Suwara, hosi ya nyimba ya Isakara, a tisa nhlengo wa yena. 19A humesa nhlengo wa yena, wu ri nkamba wa silivhere wa tixikele ta 130 ni nkambana wa silivhere wa tixikele ta 70, hi xikele ya vukwetsimelo; mikamba leyimbirhi yi tele hi mapa layo saseka, lama pfuviweke hi mafurha, ma va ya nyiko; 20ni ndzheko wa nsuku wa tixikele ta 10 lowu teleke hi mirhi ya risuna; 21ni xinkuzana, ni khuna, ni xinyimpfana xa lembe, swi va swa holokosta; 22ni xiphongo xa gandzelo ra xidyoho; 23ni swa gandzelo ra ku khensa, tinkunzi timbirhi, ni makhuna ya 5, ni swiphongo swa 5, ni swinyimpfana swa 5 swa lembe. Hi wona nhlengo wa Netanele, n'wana Suwara.
24Siku ra vunharhu, hosi ya vana va Zebuloni, Eliyabu, n'wana Heloni. 25Nhlengo wa yena a wu ri nkamba wa silivhere wa tixikele ta 130, ni nkambana wa silivhere wa tixikele ta 70, hi xikele ya vukwetsimelo; mikamba leyimbirhi yi tele hi mapa layo saseka, lama pfuviweke hi mafurha, ma va ya nyiko; 26ni ndzheko wa nsuku wa tixikele ta 10, lowu teleke hi mirhi ya risuna; 27ni xinkuzana, ni khuna, ni xinyimpfana xa lembe swa holokosta; 28ni xiphongo xa gandzelo ra xidyoho; 29ni swa gandzelo ra ku khensa, tinkunzi timbirhi, ni makhuna ya 5, ni swiphongo swa 5 ni swinyimpfana swa 5 swa lembe. Hi wona nhlengo wa Eliyabu, n'wana Heloni.
30Siku ra vumune, hosi ya vana va Rhuveni, Elizuri, n'wana Xedewuru. 31Nhlengo wa yena a wu ri nkamba wa silivhere wa tixikele ta 130, ni nkambana wa silivhere wa tixikele ta 70, hi xikele ya vukwetsimelo; mikamba leyimbirhi yi tele hi mapa layo saseka lama pfuviweke hi mafurha, ma va ya nyiko; 32ni ndzheko wa nsuku wa tixikele ta 10, lowu teleke hi mirhi ya risuna; 33ni xinkuzana ni khuna, ni xinyimpfana xa lembe swa holokosta; 34ni xiphongo xa gandzelo ra xidyoho; 35ni swa gandzelo ra ku khensa, tinkunzi timbirhi, ni makhuna ya 5 ni swiphongo swa 5, ni swinyimpfana swa lembe swa 5. Hi wona nhlengo wa Elizuri, n'wana Xedewuru.
36Siku ra vuntlhanu, hosi ya vana va Simiyoni, Xelumiele, n'wana Suri-Xadayi. 37Nhlengo wa yena a wu ri nkamba wa silivhere wa tixikele ta 130, ni nkambana wa silivhere wa tixikele ta 70, hi xikele ya vukwetsimelo; mikamba leyimbirhi yi tele hi mapa layo saseka lama pfuviweke hi mafurha, ma va ya nyiko, 38ni ndzheko wa nsuku wa tixikele ta 10 lowu teleke hi mirhi ya risuna; 39ni xinkuzana, ni khuna, ni xinyimpfana xa lembe, swi va swa holokosta; 40ni xiphongo xa gandzelo ra xidyoho; 41ni swa gandzelo ra ku khensa, tinkunzi timbirhi ni makhuna ya 5, ni swiphongo swa 5 ni swinyimpfana swa lembe swa 5. Hi wona nhlengo wa Xelumiele, n'wana Suri-Xadayi.
42Siku ra 6, hosi ya vana va Gadi, Eliyasafa n'wana Duwele. 43Nhlengo wa yena a wu ri nkamba wa silivhere wa tixikele ta 130, ni nkambana wa silivhere wa tixikele ta 70, hi xikele ya vukwetsimelo, mikamba leyimbirhi yi tele hi mapa layo saseka lama pfuviweke hi mafurha, ma va ya nyiko; 44ni ndzheko wa nsuku wa tixikele ta 10 lowu teleke hi mirhi ya risuna; 45ni xinkuzana, ni khuna, ni nyimpfana ya lembe, swi va swa holokosta; 46ni xiphongo xa gandzelo ra xidyoho; 47ni swa gandzelo ra ku khensa, tinkunzi timbirhi ni makhuna ya 5, ni swiphongo swa 5, ni swinyimpfana swa lembe swa 5. Hi wona nhlengo wa Eliyasafa, n'wana Duwele.
48Siku ra 7, hosi ya vana va Efrayimi, Elixama, n'wana Amihudi. 49Nhlengo wa yena a wu ri nkamba wa silivhere wa tixikele ta 130 ni nkambana wa silivhere wa tixikele ta 70, hi xikele ya vukwetsimelo; mikamba leyimbirhi yi tele hi mapa layo saseka, lama pfuviweke hi mafurha, ma va ya nyiko; 50ni ndzheko wa nsuku wa tixikele ta 10 lowu teleke hi mirhi ya risuna; lowu teleke hi mirhi ya risuna; 51ni xinkuzana, ni khuna, ni nyimpfana ya lembe, swi va swa holokosta; 52ni xiphongo xa gandzelo ra xidyoho; 53ni swa gandzelo ra ku khensa, tinkunzi timbirhi ni makhuna ya 5, ni swiphongo swa 5, ni swinyimpfana swa lembe swa 5. Hi wona nhlengo wa Elixama, n'wana Amihudi.
54Siku ra 8, hosi ya vana va Manase, Gamaliele n'wana Pedasuru. 55Nhlengo wa yena a wu ri nkamba wa silivhere wa tixikele ta 130, ni nkambana wa silivhere wa tixikele ta 70, hi xikele ya vukwetsimelo, mikamba leyimbirhi yi tele hi mapa layo saseka, lama pfuviweke hi mafurha, ma va ya nyiko; 56ni ndzheko wa nsuku wa tixikele ta 10 lowu teleke hi mirhi ya risuna; 57ni xinkuzana, ni khuna, ni nyimpfana ya lembe, swi va swa holokosta; 58ni xiphongo xa gandzelo ra xidyoho; 59ni swa gandzelo ra ku khensa, tinkunzi timbirhi, ni makhuna ya 5, ni swiphongo swa 5, ni swinyimpfana swa lembe swa 5. Hi wona nhlengo wa Gamaliele, n'wana Pedasuru.
60Siku ra 9, hosi ya vana va Benjamini, Abidana, n'wana Gidiyoni. 61Nhlengo wa yena a wu ri nkamba wa silivhere wa tixikele ta 30, ni nkambana wa silivhere wa tixikele ta 70, hi xikele ya vukwetsimelo, mikamba leyimbirhi yi tele hi mapa layo saseka, lama pfuviweke hi mafurha, ma va ya nyiko; 62ni ndzheko wa nsuku wa tixikele ta 10 lowu teleke hi mirhi ya risuna; 63ni xinkuzana, ni khuna, ni nyimpfana ya lembe, swi va swa holokosta; 64ni xiphongo xa gandzelo ra xidyoho; 65ni swa gandzelo ra ku khensa, tinkunzi timbirhi, ni makhuna ya 5 ni swiphongo swa 5, ni swinyimpfana swa lembe swa 5. Hi wona nhlengo wa Abidana, n'wana Gidiyoni.
66Siku ra khume, hosi ya vana va Dani, Ahiezere, n'wana Amixadayi. 67Nhlengo wa yena a wu ri nkamba wa silivhere wa tixikele ta 130 ni nkambana wa silivhere wa tixikele ta 70 hi xikele ya vukwetsimelo; mikamba leyimbirhi yi tele hi mapa layo saseka lama pfuviweke hi mafurha, ma va ya nyiko; 68ni ndzheko wa nsuku wa tixikele ta 10 lowu teleke hi mirhi ya risuna; 69ni xinkuzana, ni khuna, ni nyimpfana ya lembe, swi va swa holokosta; 70ni xiphongo xa gandzelo ra xidyoho; 71ni swa gandzelo ra ku khensa, tinkunzi timbirhi, ni makhuna ya 5, ni swiphongo swa 5, ni swinyimpfana swa lembe swa 5. Hi wona nhlengo wa Ahiezere, n'wana Amixadayi.
72Siku ra 11, hosi ya vana va Asere, Pagiele, n'wana Okirani. 73Nhlengo wa yena a wu ri nkamba wa silivhere wa tixikele ta 130, ni nkambana wa silivhere wa tixikele ta 70, hi xikele ya vukwetsimelo, mikamba leyimbirhi yi tele hi mapa layo saseka lama pfuviweke hi mafurha ma va ya nyiko; 74ni ndzheko wa nsuku wa tixikele ta 10 lowu teleke hi mirhi ya risuna; 75ni xinkuzana, ni khuna, ni xinyimpfana xa lembe, swi va swa holokosta; 76ni xiphongo xa gandzelo ra xidyoho; 77ni swa gandzelo ra ku khensa tinkunzi timbirhi, ni makhuna ya 5 ni swiphongo swa 5, ni swinyimpfana swa lembe swa 5. Hi wona nhlengo wa Pagiele, n'wana Okirani.
78Siku ra 12, hosi ya vana va Neftali, Ahira, n'wana Enana. 79Nhlengo wa yena a wu ri nkamba wa silivhere wa tixikele ta 130, ni nkambana wa silivhere wa tixikele ta 70, hi xikele ya vukwetsimelo, mikamba leyimbirhi yi tele hi mapa layo saseka, lama pfuviweke hi mafurha, ma va ya nyiko; 80ni ndzheko wa nsuku wa tixikele ta 10, lowu teleke hi mirhi ya risuna; 81ni xinkuzana, ni khuna, ni nyimpfana ya lembe, swi va swa holokosta; 82ni xiphongo xa gandzelo ra xidyoho; 83ni swa gandzelo ra ku khensa tinkunzi timbirhi, ni makhuna ya 5, ni swiphongo swa 5, ni swinyimpfana swa lembe swa 5. Hi wona nhlengo wa Ahira n'wana Enana.
84Hi yona mihlengo ya tihosi ta Israele ya ku khangula alitari siku yi kwetsimisiweke: mikamba ya 12 ya silivhere, ni mikambana ya 12 ya silivhere, ni mindzheko ya 12 ya nsuku. 85Nkamba wun'wana ni wun'wana a wu ri wa tixikele ta 130 ta silivhere, ni nkambana wun'wana ni wun'wana wa 70, silivhere hinkwayo ya mikamba a yi ri ya tixikele ta 2 400, hi xikele ya vukwetsimelo. 86Ni mindzheko ya 12 leyi teleke hi mirhi ya risuna, ya tixikele ta 10, hi xikele ya vukwetsimelo, ntsengo wa nsuku hinkwawo wa mindzheko, a ti ri tixikele ta 120. 87Ntsengo wa swifuwo swa holokosta a ti ri tinkuzana ta 12, ni makhuna ya 12, ni swinyimpfana swa lembe swa 12, ni tinyiko ta swona; ni swiphongo swa 12 swa gandzelo ra xidyoho. 88Ntsengo wa swifuwo swa gandzelo ra ku khensa a ti ri tinkunzi ta 24, ni makhuna ya 60, ni swiphongo swa 60, ni swinyimpfana swa 60 swa lembe. Hi wona nhlengo wa ku khangula alitari loko va yi kwetsimisile.
89Kutani kakuloko Muxe a tshama a nghena etabernakeleni ya nhlengeletano ku ya vulavula na Yehovha, a tshama a yingisa rito leri vulavulaka na yena, ri twakala evukhongelelweni lebyi nga ehenhla ka areka ya vumbhoni, exikarhi ka tikerubu timbirhi; hi sweswo Muxe a tshama a vulavula na Yena.
