NEHEMIYA 7

₁Kuteloko rirhangu ri herile, ndzi vehela timbanti etinyangweni, kutani valanguteri va vekiwa emitirhweni va vona, na vona vayimbeleri, ni Valevhi. ₂Ndzi veka Hanani, makwerhu, na Hananiya, mulerisi wa khokholo, leswaku va langutela Yerusalema, hikuva a a ri wanuna lonene, la chavaka Xikwembu ku tlurisa van'wana lavo tala. ₃Ndzi ku eka vona: “Tinyangwa ta Yerusalema, ti nga pfuriwi loko dyambu ri nga si tlhava; mi ri karhi ma ha yimile kona, ku ta pfariwa tinyangwa, mi ti tiyisa; lava akeke eYerusalema, va ta va valanguteri, un'wana ni un'wana entlaweni wa yena, van'wana va ta langutela ku lavana ni tindlu ta vona.”

₄Hikuva muti a wu anamile, wu ri wukulu, kambe vanhu va wona a va nga talanga, na tona tindlu a ti nga si akiwa.

₅Kutani Xikwembu xa mina xi nghenisa embilwini ya mina ku anakanya ka ku hlengeleta vakulukumba ni tihosana ni tiko, leswaku va hlayiwa hi tinyimba ta vona; ndzi kuma buku ya tinyimba ta lavo rhanga, ndzi kuma kona va tsarile va ku: ₆Hi lava vanhu va tiko lava tlheleke eku bohiweni, a va yisiwile eku bohiweni hi Nebukadnetsara, hosi ya Babilona, va tlherile Yerusalema le Yuda, un'wana ni un'wana emutini wa yena. ₇Lava teke na Zerubabele, i Yexuwa, Nehemiya, Azariya, Ramiya, Nahamani, Mordekayi, Bilixani, Misperete, Bigivhayi, Nehumi, Baana.

₈Ntsengo hi lowu wa vavanuna va tiko ra Israele:

₉Vana va Paroxi a va ri 2 172. Vana va Xefatiya, 372. ₁₀Vana va Ara, 652. ₁₁Vana va Pahata-Mowabu, vana va Yexuwa, ni va rixaka ra Yowabu, 2 818. ₁₂Vana va Elamu, 1 254. ₁₃Vana va Zatu, 845. ₁₄Vana va Zakayi 760. ₁₅Vana va Binuyi, 648. ₁₆Vana va Bebayi, 628. ₁₇Vana va Azigadi, 2 322. ₁₈Vana va Adonikama, 667. ₁₉Vana va Bigivhayi, 2 067. ₂₀Vana va Adina, 655. ₂₁Vana va Atere, va rixaka ra Hezekiya, 98. ₂₂Vana va Haxumu, 328. ₂₃Vana va Besayi, 324. ₂₄Vana va Harifi, 112. ₂₅Vana va Gibiyoni, 95. ₂₆Vavanuna va Betlehema ni va Netofa, 188. ₂₇Vavanuna va Anatoto, 128. ₂₈Vavanuna va Beta-Azimavhete, 42. ₂₉Vavanuna va Kiriyata-Yeyarimi, na Kefira, na Beroto, 743. ₃₀Vavanuna va Rhama na Geba, 621. ₃₁Vavanuna va Mikamasa 122. ₃₂Vavanuna va Betele na Ayi, 123. ₃₃Vavanuna va Nebo wun'wana, 52. ₃₄Vana va Elamu un'wana, 1 254. ₃₅Vana va Harimi, 320. ₃₆Vana va Yeriko, 345. ₃₇Vana va Lodo, na Hadidi, na Ono, 721, ₃₈vana va Sena, 3 930.

₃₉Loko va ri vaprista a va ri: Vana va Yedaya, wa yindlu ya Yexuwa, 973. ₄₀Vana va Imere, 1 052. ₄₁Vana va Paxahuru, 1 247. ₄₂Vana va Harimi, 1 017.

₄₃Loko va ri Valevhi, vana va Yexuwa na va Kadimiele, ni vana va Hodavhiya, va ri 74.

₄₄Loko va ri vayimbeleri: Vana va Asafa, 148.

₄₅Loko va ri valanguteri va tinyangwa: Vana va Xalumi, vana va Atere, vana va Talimoni, vana va Akubu, vana va Hatita, vana va Xobayi, 138.

₄₆Loko va ri va Netinimi, vana va Siha, vana va Hasufa, vana va Tabawoto, ₄₇vana va Kerosi, vana va Siya, vana va Padoni, ₄₈vana va Lebana, vana va Hagaba, vana va Xalimayi, ₄₉vana va Hanana, vana va Gidela, vana va Gahara, ₅₀vana va Reyaya, vana va Resini, vana va Nekoda, ₅₁vana va Gazumu, vana va Uza, vana va Paseyaka, ₅₂vana va Besayi, vana va Mewunimi, vana va Nefuxesimi, ₅₃vana va Bakibuku, vana va Hakufa, vana va Hare-Huru, ₅₄va na va Basiliti, vana va Mehida, vana va Harexa, ₅₅vana va Barkosi, vana va Sisera, vana va Tema, ₅₆vana va Nesiya, vana va Hatifa.

₅₇Loko va ri vana va malandza ya Solomoni, a va ri vana va Sotayi, vana va Soferete, vana va Perida. ₅₈Vana va Yaala, vana va Darkoni, vana va Gidela, ₅₉vana va Xefatiya, vana va Hatili, vana va Pokerete-Hasebayimi vana va Amoni. ₆₀Hinkwavo va Netinimi ni vana va malandza ya Solomoni a va ri 392.

₆₁Van'wana va sukile eTeli-Mela, na Teli-Harixa, na Keruba-Adoni, na Imere, kambe va tsandzekile ku komba tindlu ta vatata wa vona, ni tinyimba ta vona, ni ku tiyisa leswaku a va ri Vaisraele: ₆₂I vana va Delaya, ni vana va Tobiya, ni vana va Nekoda va ri 642. ₆₃Kambe van'wana va vaprista: Vana va Hobaya, vana va Hakosi, vana va Barizilayi, valavo tata wa vona a tekeke n'wana Barizilayi Mugiliyadi, a thyiwa hi vito ra vona. ₆₄Vona va lava mapapila ya mavito ya vona, ni ya tinyimba, va nga ma kumi, hikwalaho va humesiwa evupristeni. ₆₅Mufumi, a va byela leswaku va nga dyi swilo leswo kwetsima, ku kondza ku fika muprista la nga ta vutisa Urimi na Thumimi.

₆₆Nhlengeletano hinkwayo loko yi hlayiwa yi endla ntsengo wa vanhu va 42 360, ₆₇ehandle ka malandza ya vona ya vavanuna ni vavasati va nga va 7 337; va ri ni vayimbeleri va vavanuna ni va vavasati va 245. ₆₈Kambe a va ri ni tihanci ta 736; ni timula ta 245, ₆₉ni tikamela ta 345; ni timbhongolo ta 6 720.

₇₀Van'wanyana va tihosana ta tindlu ta vatatana wa vona va humesela ntirho mihlengo; mufumi, yena, a humesela vuhlayiselo tidarika ta nsuku ta 1 000, ni mikambana ya 50, ni tinguvu ta vaprista ta 530; ₇₁van'wanyana va tihosana ta tindlu ta vatata wa vona, va humesela vuhlayiselo bya mali ya mitirho tidarika ta nsuku ta 20 000, ni timina ta silivhere ta 2 200. ₇₂Leswi humesiweke hi van'wana va tiko i tidarika ta nsuku ta 20 000, ni timina ta silivhere ta 2 000, ni tinguvu ta vaprista ta 67.

₇₃Kutani vaprista, ni Valevhi, ni valanguteri va tinyangwa, ni vayimbeleri, ni vanhu va tiko, ni va Netinimi, ni Vaisraele hinkwavo, va aka emitini ya vona. Loko ku tshamile n'hweti ya ntlhanu na timbirhi, vana va Israele a va akile emitini ya vona.