ESAYA 12

₁Hi siku rero u ta ku: “Oho Yehovha! Ndza ku tlangela hikuva u ndzi karihele kambe vukari bya wena byi tlherile, kutani u ndzi chavelele. ₂Vonani, Xikwembu i ku kutsula ka mina; ndzi ta va ni ku tshemba, a ndza ha chavi nchumu, hikuva Yehovha, Yehovha i matimba ya mina ni risimu ranga; hi yena la ndzi poniseke!

₃“Mi ta tikela mati hi ku tsaka eswihlobyeni swa ku hlayiseka,” kutani hi siku rero mi ta ku: ₄“Tlangelani Yehovha, khongelani vito ra yena mi tivisa matiko mahlori ya yena twarisani, mi ku: ‘Vito ra yena hi leri tlakukeke.’ ₅Yimbelelani Yehovha, hikuva u endlile timhaka leti hlamarisaka; a ti tiviwe ematikweni hinkwawo! ₆N'wina la mi akeke eSiyoni mi huwelela mi tsakisisa hi tinsimu, hikuva Mukwetsimi wa Israele u nkulukumba exikarhi ka wena.”