GENESA 20

₁Kutani Abrahama a suka, a ya etikweni ra le dzongeni, a tshama exikarhi ka Kadexe na Xuru; kambe a tshama nkarhi eGerara. ₂Abrahama a a vula Sara, nsati wa yena, makwerhu. Kavaloko Abimeleke, hosi ya Gerara, a rhuma ku ya vutla Sara. ₃Kambe Xikwembu xi ta eka Abimeleke, enorhweni wa vusiku, xi ku eka yena: “Waswivo, u ta fa hikwalaho ka nsati loyi u n'wi tekeke, hikuva u ni nuna.”

₄Kambe Abimeleke a a nga si tshinelela eka yena, kutani a ku: “Hosi, xana u nga dlayisa tiko ni loko ri lulamile? ₅Xana a nga ndzi byelanga leswaku i makwavo? Na yena wansati a nga ndzi byelanga leswaku i makwavo xana? Ndzi endlile sweswo eku lulameni ka mbilu yanga, ni le ku baseni ka mavoko ya mina.”

₆Kutani Xikwembu xi n'wi byela enorhweni, xi ku: “Ndza swi tivisisa leswaku u endlise sweswo eku lulameni ka mbilu ya wena, hikwalaho-ke, ndzi nga ku sivela ku ndzi dyohela; ndzi nga ku pfumelelangiki ku n'wi khumba. ₇Kutani sweswi, tlherisa nsati wa nuna loyi, hikuva i muprofeta, u ta ku khongelela, u va u hanya. Kambe loko u nga n'wi tlherisi, tiva leswaku u ta fa kunene, wena ni hinkwaswo leswi nga swa wena.”

₈Kutani Abimeleke a pfuka ka hari mixo, a vitana malandza ya yena hinkwawo, a ma ambela marito walawo hinkwawo; kutani vanhu volavo va khomiwa hi ku chava lokukulu. ₉Kavaloko Abimeleke a vitana Abrahama a ku eka yena: “U hi endle yini? Kumbe ndzi ku onhele kwihi, leswi u nga vangela mina ni tiko ra mina nandzu lowonghasi? U ndzi endlele mhaka leyi nga faneriki ku endliwa.” ₁₀Abimeleke a engeta a ku eka Abrahama: “U anakanyile yini leswi u nga endlisa sweswo?”

₁₁Kutani Abrahama a ku: “A ndzi ku kumbe, ku chava Xikwembu ku hava etikweni leri, kutani va ta ndzi dlaya hikwalaho ka nsati wa mina. ₁₂Kasi na kona, i makwerhu kunene, n'wana wa tatana, ntsena a hi n'wana wa manana, kambe i nsati wa mina. ₁₃Kuteloko Xikwembu xi ndzi tsendzelekisile ekule ni yindlu ya tatana, ndzi te eka yena: ‘Vona, u ta ndzi pfunisa sweswo: Hinkwako laha hi yaka kona, u nge: i makwerhu.’ ”

₁₄Kavaloko Abimeleke a teka swifuwo leswitsongo ni leswikulu, ni makhumbi ya xinuna ni ya xisati, a nyika Abrahama, a n'wi tlherisela na Sara nsati wa yena. ₁₅Kutani Abimeleke a ku: “Waswivo, tiko ra mina hi leri, aka laha u ku rhandzaka.” ₁₆Ni ka Sara, a ku: “Waswivo, ndzi nyikile makwenu khume ra madzana ya macheleni, xi ta va xisirhelo emahlweni ya wena eka hinkwavo lava nga na wena, kutani u ta va la lulameke emahlweni ka hinkwavo.”

₁₇Kutani Abrahama a khongela Xikwembu, Xikwembu xi hanyisa Abimeleke, ni nsati wa yena, ni makhumbi ya yena, va ta tlhela va tiva ku veleka vana. ₁₈Hikuva Yehovha a a sivile timbeleko hinkwato endlwini ya Abimeleke, hikwalaho ka Sara, nkata Abrahama.