EKSODA 38

₁Kutani a endla hi murhi wa munga alitari ya magandzelo lama hisiwaka, ku leha ka yona a swi ri swisungunhu swa ntlhanu, ni ku anama ka yona, swisungunhu swa ntlhanu; matlhelo ya yona ya mune a ma ringana; ku yima ka yona a swi ri swisungunhu swinharhu. ₂A endla timhondzo ta mune leti humaka ealitarini, emagombyeni ya mune ya yona a ti nameka hi koporo. ₃A endla ni swibya hinkwaswo swa alitari; a ti ri timbita, ni tifoxolo, ni mindzheko, ni tintlhavo, ni timbita ta makala; a endle swibya leswi hinkwaswo hi koporo. ₄Kutani a endlela alitari roster ya koporo; a yi veka ehansi ka xirhendzevutana, yi yima endzeni ka alitari, yi fika exikarhi ka yona. ₅A chulula mune wa swingwavila hi koporo, a swi veka ematlhelweni ya mune ya roster, leswaku va nghenisa timhandze ka swona. ₆Kutani a endla timhandze hi murhi wa munga, a ti nameka hi koporo. ₇Kutani a nghenisa timhandze eswingwavileni ematlhelweni ya alitari ku yi rhwala ha tona; a endla vundzeni bya yona hi mapulangi.

₈Kutani a endla nkamba hi koporo ni xikhato xa wona hi koporo, a endla ntirho lowo hi swivonivoni swa vavasati lava hlengeletanaka enyangweni ya tabernakela ya nhlengeletano.

₉Kutani a endla xivava. Tlhelo ra dzonga a endle tinguvu ta xivava hi ntsembyana lowo saseka; a swi ri swisungunhu swa dzana. ₁₀Timhandze ta yona a ti ri makume mambirhi, ni switshamo swa tona swa koporo swa makume mambirhi; swovetana swa timhandze ni timhingu ta tona, a swi ri swa silivhere. ₁₁Swi endleriwa sweswo tlhelo ra n'walungu; nguvu ya swisungunhu swa dzana, ni timhandze ta makume mambirhi ta yona, ni switshamo swa tona swa koporo swa makume mambirhi; timhingu ta timhandze ni swovetana swa tona a swi ri swa silivhere. ₁₂Tlhelo ra vupeladyambu a ku endliwe nguvu ya swisungunhu swa ntlhanu wa makume, ni timhandze ta yona ta khume, ni switshamo swa tona swa khume; timhingu ta timhandze, ni swovetana swa tona a swi ri swa silivhere. ₁₃Emahlweni, hitlhelo ra vuxa, swisungunhu swa ntlhanu wa makume; ₁₄hileswaku nguvu ya swisungunhu swa khume na ntlhanu a yi ri tlhelo rin'we, swin'we ni timhandze tinharhu ta yona, ni switshamo swa tona swinharhu. ₁₅Tlhelo rin'wana ra nyangwa ya xivava, kukotisa tlhelo ro sungula, nguvu ya swisungunhu swa khume na ntlhanu, ni timhandze tinharhu ta yona, ni switshamo swinharhu swa tona. ₁₆Tinguvu hinkwato ta xivava le ti rhendzelekeleke, a ti ri ta ntsembyana lowo saseka, leyi swuriweke; ₁₇switshamo swa timhandze a swi ri swa koporo; timhingu ta timhandze ni swovetana swa tona swa silivhere, ni swifunengeto swa tinhloko ta tona a swi ri swa silivhere; timhandze hinkwato ta xivava a ti hlanganisiwa hi timhingu ta silivhere. ₁₈Nguvu ya nyangwa ya xivava a yi lukiwile hi mukhuva wa ntirho wa vutlhari, hi xivunguvungu, ni scarlet, ni crimson, ni ntsembyana lowo saseka leyi swuriweke; ku leha ka yona a swi ri swisungunhu swa makume mambirhi; ni ku yima ka yona a swi ri swisungunhu swa ntlhanu, ku fana ni ku anama la tinguvu ta xivava. ₁₉Timhandze ta mune ta yona, ni switshamo swa tona swa mune a swi ri swa koporo; timhingu ta tona a ti ri ta silivhere, ni swifunengeto swa tinhloko ta tona a swi ri swa silivhere. ₂₀Timhingu hinkwato ta tabernakela, ni ta xivava lexi yi rhendzelekeke, a ti ri ta koporo.

₂₁Hi kona ku hlaya ka leswi humeseriweke tabernakela, yi nga yindlu ya vumbhoni; ku hlaya loku ku endliwile hilaha ku nga lerisiwa hi Muxe, hi Valevhi ehansi ka Itamara, n'wana Aroni, muprista.

₂₂Besalele, n'wana Uri, n'wana Huru, wa nyimba ya Yuda, a endla hinkwaswo leswi Yehovha a nga swi lerisa Muxe. ₂₃A a ri na Oholiyabu, n'wana Ahisamaki wa nyimba ya Dani, muvatli ni mutsila, ni munhu wa vutlhari emitirhweni ya xivunguvungu, ni ya scarlet, ni ya crimson ni ya ntsembyana lowo saseka. ₂₄Nsuku hinkwawo lowu va nga endla ha wona ntirho hinkwawo wa yindlu leyo kwetsima, a wu ri nsuku lowu nga nyikiwa, a wu ri wa mpimo wa titalenta ta 29; ni tixikele ta 700, hi mpimo wa xikele ya vukwetsimelo. ₂₅Silivhere ya vanhu va nhlengeletano lava hlayiweke a yi ri ya titalenta ta dzana, ni tixikele ta 1 775, hi mpimo wa xikele ya vukwetsimelo; ₂₆nhloko yin'wana ni yin'wana yi humesa hafu ya xikele, hi mpimo wa xikele ya vukwetsimelo; hinkwavo lava hlayiweke va humesa sweswo, ku suka eka vanhu va malembe ya makume mambirhi, ni le henhla ka wona; a va ri vanhu va 603 550. ₂₇Titalenta ta dzana ta silivhere ti tirhe ku chulula switshamo swa yindlu yo kwetsima, ni switshamo swa xisirhelo, dzana ra switshamo leswi ringanaka titalenta ta dzana; talenta yin'we hi xitshamo xin'wana ni xin'wana. ₂₈Kutani hi maxikele lama seleke ya 1 775, va endle timhingu ta timhandze va endla ni swifunengeto swa tona ni timbalelo leti va hlanganisaka timhandze ha tona. ₂₉Koporo leyi nga humeseriwa Xikwembu a yi ri ya titalenta ta 70, ni tixikele ta 2 400. ₃₀Va endla ha yona switshamo swa nyangwa ya Tabernakela ya nhlengeletano, ni alitari ya koporo ni roster ya yona ya koporo ni swibya hinkwaswo swa alitari, ₃₁ni switshamo swa xivava lexi rhendzelekaka, ni switshamo swa nyangwa ya xivava, ni timhingu hinkwato ta yindlu, ni timhingu hinkwato ta xivava lexi rhendzelekaka.