EKSODA 25

₁Yehovha a vulavula na Muxe, a ku: ₂“Byela vana va Israele va ndzi humesela nhlengo. Mi ta amukela nhlengo wa mina eka munhu un'wana ni un'wana la humesaka hi mbilu. ₃Hi lowu nhlengo mi nga ta wu amukela eka vona: nsuku ni silivhere, ni koporo; ₄ni malapi ya xivunguvungu, ni ya scarlet, ni ya crimson, ni ntsembyana lowo basa, ni voya bya mbuti; ₅ni madzovo ya tinyimpfu lama totiweke leswo tshwuka, ni madzovo ya ntini, ni mirhi ya munga; ₆ni mafurha ya rivoni, ni mirhi ya risuna ku hlanganisa ni mafurha yo tola, ni ya magandzelo ya risuna; ₇ni maribye ya onikisi, ni maribye lama nga ta nghenisiwa engubyeni ya efodi ni ya nguvu ya xifuva. ₈Va ta ndzi lunghisela xikwetsimiso, ndzi ta tshamisa exikarhi ka vona. ₉Mi ta endla hinkwaswo leswi ndzi mi kombisaka swona hi xifaniso xa yindlu ni mpimo wa yona, ni mitirho ya yona hilaha ndzi ku kombaka hakona.”

₁₀“Va ta endla areka hi murhi wa munga; ku leha ka yona swi ta va swisungunhu swimbirhi ni hafu; ku anama ka yona, xisungunhu xin'we ni hafu, ni ku yima ka yona, xisungunhu xin'we ni hafu. ₁₁U ta yi nameka hi nsuku lowo tenga; u yi nameka ehandle ni le ndzeni, kutani u yi endlela xirhendzevutana xa nsuku lexi yi rhendzelekelaka. ₁₂U ta chulula mune wa swingwavila swa nsuku leswi u nga ta swi veka ematlhelweni ya yona ya mune; swingwavila swimbirhi hitlhelo rin'wana, ni swingwavila swimbirhi hitlhelo rin'wana. ₁₃U ta yi endlela mimpingu ya murhi wa munga, a va u yi nameka hi nsuku; ₁₄kutani u ta nghenisa mimpingu eswingwavileni, ematlhelweni ya areka ku yi byarha ha yona. ₁₅Mimpingu yi ta tshama eswingwavileni swa areka, yi nga susiwi. ₁₆U ta veka earekeni Vumbhoni lebyi ndzi nga ta ku nyika byona.

₁₇“U ta endla vukhongelelo bya nsuku lowunene; ku leha ka byona swi ta va swisungunhu swimbirhi ni hafu, ku anama ka byona xisungunhu ni hafu. ₁₈U ta endla ni tikerubu timbirhi ta nsuku, u ti endla hi nsuku lowu furiweke, emakun'wini mambirhi ya vukhongelelo. ₁₉U ta endla kerubu yin'wana emakumu ya halenu, ni kerubu yin'wana emakumu ya hala; mi ta endla tikerubu ti huma emakun'wini mambirhi ya vukhongelelo. ₂₀Tikerubu ti ta tshambuluta timpapa ta tona ehenhla, ti funengeta vukhongelelo hi timpapa, ti ri karhi ti langutene; mimombo ya tikerubu yi languta vukhongelelo. ₂₁U ta funengeta areka hi vukhongelelo, u ta veka earekeni Vumbhoni lebyi ndzi nga ta ku nyika byona. ₂₂Ndzi ta hlangana na wena kona kutani ndzi ta ku byela kona evukhongelelweni, xiharhi ha tikerubu leti nga ehenhla ka areka ya vumbhoni, hinkwaswo leswi u nga ta lerisa vana va Israele.”

₂₃“U ta endla tafula hi murhi wa munga. Ku leha ka rona swi ta va swisungunhu swimbirhi, ku anama ka rona swi va xisungunhu xi ri xin'we, ni ku yima ka rona xisungunhu xin'we ni hafu. ₂₄U ta ri nameka hi nsuku lowunene; u ri endlela xirhendzevutana lexi ri rhendzelekelaka. ₂₅U ta ri endlela xirhendzevutana xa mune wa tintiho, kutani u xi nameka hi nsuku hi matlhelo hinkwawo. ₂₆U ta ri endlela ni swingwavila swa mune swa nsuku, kutani u ta veka swingwavila ematlhelweni ya mune emilengeni ya mune ya tafula, ₂₇swingwavila swi va ekusuhi ni xirhendzevutana leswaku u nghenisa eka swona mimpingu yo pinga tafula. ₂₈U ta endla mimpingu ya murhi wa munga, u yi nameka hi nsuku; tafula ri ta pingiwa hi yona. ₂₉U ta endla mikambana ya rona ni swidzuvulo swa rona, ni magombe leswaku va hlamba ha swona; u swi endla hi nsuku lowunene. ₃₀U ta veka etafuleni vuswa bya xikombiso, byi va kona hi masiku hinkwawo.

₃₁“U ta endla kandelari ya nsuku lowo saseka; kandelari yi ta endliwa hi nsuku lowu furiweke, ni nenge wa yona, ni nsinya wa yona; mikhava ni mabundzu swi ta endliwa eka yona hi vumba byin'we. ₃₂Marhavi ya ntlhanu na rin'we ma ta huma ematlhelweni ya yona; marhavi manharhu hitlhelo rin'wana ra kandelari, ni marhavi manharhu hitlhelo rin'wana ra kandelari. ₃₃Mikambana minharhu leyi fanaka ni xiluva xa alimondi, ni bundzu ni xiluva, swi ta va kona erhavini rin'wana; ni le rhavini rin'wana ku ta va mikambana minharhu leyi fanaka ni xiluva xa alimondi, ni bundzu ni xiluva; swi ta va tano eka marhavi ya ntlhanu na rin'we lama humaka ekandelarini. ₃₄Yona kandelari yi ta va ni mune wa mikambana leyi fanaka ni xiluva xa alimondi, swin'we ni mabundzu ni swiluva, ₃₅bundzu rin'we ri ta va ehansi ka marhavi mambirhi lama humaka ekandelarini; bundzu rin'wana ri ta va ehansi ka marhavi mambirhi man'wana lama humaka ekandelarini, ni bundzu rin'wana ehansi ka marhavi man'wana mambirhi lama humaka ekandelarini, ku ringanisa marhavi ya ntlhanu na rin'we ya kandelari. ₃₆Mabundzu ni marhavi swi ta huma eka yona; xi ta va xilo xin'we lexi endliweke hi nsuku lowu furiweke lowu kwetsimaka. ₃₇U ta yi endlela mavoningo ya ntlhanu na mambirhi; kutani va ta tlhoma mavoningo ehenhla ka yona, ma ta voningela tlhelo ra le mahlweni ra kandelari. ₃₈Tintlawa ta yona ni swimbitana swa nkuma, swi ta endliwa hi nsuku lowo kwetsima. ₃₉Yona kandelari ni swibya hinkwaswo swa yona swi ta endliwa hi talenta ya nsuku lowo kwetsima. ₄₀Languta, u swi endla hi xifaniso lexi u nga xi kombisiwa entshaveni.”