Sihlabelelo 87

₁Simakadze ubeke likhaya lakhe

etikwentsaba lengcwele.

₂Emasango aseSiyoni uwatsandza kakhulu

kunayo yonkhe imiti yakaJakobe.

₃Maye, kuhle loko lokukhulunywa ngawe,

wena khaya laNkulunkulu: Cabanga.

₄“Ngibala iRahabi neBhabhulona,

emkhatsini walabo labangatiko.

Yebo, emaFilisti,

nebaseThire, nebaseKushe,

bonkhe labo bantfu batalelwa eSiyoni.”

₅NgeSiyoni kuyawukhulunywa kutsiwe:

“Lona nalona batalelwa lapho,

ngobe Losetikwako Konkhe uyayicinisa.”

₆Simakadze uyawutibhalisa tonkhe tive atsi:

“Lesi satalelwa eSiyoni.” Cabanga.

₇Bahlabeleli nebadlali ngalokufanako batsi:

“Yonkhe imitfombo yami ikuwe.”