Sihlabelelo 26

₁Hhawu, Simakadze!

Ngehlulele, utewubona

kutsi ngimsulwa.

Ngetsembele kuSimakadze

ngaphandle kwekungabata.

₂Simakadze, ngihlole ungivivinye,

uhlolisise inhlitiyo yami nengcondvo yami.

₃Umusa wakho usembikwami njalo,

ngihamba ecinisweni lakho.

₄Angihambisani nebantfu bemanga,

futsi anginabudlelwane nebatentisi.

₅Ngiyayitondza inhlangano yalababi,

futsi angihlali nalababi.

₆Yebo, Simakadze,

ngigeza tandla tami, ngingenacala,

ngihambahamba ngaselatini lakho,

₇kuze ngihlabele ingoma yekubonga

ngibalise ngato tonkhe timangaliso takho.

₈Yebo, Simakadze,

ngitsandza indlu lohlala kuyo,

lapho kuhlala inkhatimulo yakho khona.

₉Umphefumulo wami ungawulahli

kanye netoni,

nekuphila kwami ungakulahli

kanye nebabulali.

₁₀Labantfu benta lokubi njalo,

tandla tabo tesekudla tigcwele imidizo.

₁₁Kodvwa mine ngihamba ngebucotfo,

ngikhulule, ube nemusa kimi.

₁₂Lunyawo lwami lume endzaweni lephephile.

Simakadze ngiyawumdvumisa

emibikwemabandla lamakhulu.