Sihlabelelo 23

₁Simakadze ngumelusi wami,

ngeke ngeswele lutfo.

₂Ungilalisa emadlelweni laluhlata,

angiholele nasemantini ekuphumula.

₃Uhlumelelisa umphefumulo wami,

angiholele nasetindleleni tekulunga,

kuze kudvunyiswe libito lakhe.

₄Nome ngihamba esigodzini

lesinelitfunti lekufa,

angesabi lutfo lolubi,

ngobe wena unami;

intfonga yakho neludvondvolo lwakho

kuyangivikela.

₅Ungigcebela litafula embikwami

netitsa tami tibuka.

Ugcobisa inhloko yami ngemafutsa,

indzebe yami iyaphuphuma.

₆Impela, lokuhle nemusa kuyawungilandzela

imihla yonkhe yekuphila kwami.

Ngiyawuhlala endlini yaSimakadze

kuze kube phakadze.