Sihlabelelo 136

₁Bongani Simakadze, ngobe muhle,

ngobe umusa wakhe ume

kuze kube phakadze.

₂Bongani Nkulunkulu wabonkulunkulu,

ngobe umusa wakhe ume

kuze kube phakadze.

₃Bongani iNkhosi yemakhosi,

ngobe umusa wakhe ume

kuze kube phakadze.

₄Nguye yedvwa lowenta

timangaliso letinkhulu,

ngobe umusa wakhe ume

kuze kube phakadze.

₅Nguye lowenta emazulu

ngekuhlakanipha kwakhe,

ngobe umusa wakhe ume

kuze kube phakadze.

₆Nguye lowendlala umhlaba

etikwemanti,

ngobe umusa wakhe ume

kuze kube phakadze.

₇Wenta tibane letinkhulu,

ngobe umusa wakhe ume

kuze kube phakadze.

₈Wenta kutsi lilanga libuse imini,

ngobe umusa wakhe ume

kuze kube phakadze,

₉nekutsi inyanga netinkhanyeti

kubuse busuku,

ngobe umusa wakhe ume

kuze kube phakadze.

₁₀Nguye lowabhubhisa

ematubulo aseGibhithe,

ngobe umusa wakhe ume

kuze kube phakadze.

₁₁Wahola Israyeli

wamkhipha emkhatsini wawo,

ngobe umusa wakhe ume

kuze kube phakadze;

₁₂ngesandla lesinemandla

nengalo leyeluliwe,

ngobe umusa wakhe ume

kuze kube phakadze.

₁₃Nguye lowehlukanisa kabili

Lwandle Lolubovu,

ngobe umusa wakhe ume

kuze kube phakadze.

₁₄Wewelisa ema-Israyeli ekhatsi nalo,

ngobe umusa wakhe ume

kuze kube phakadze.

₁₅Wacitsa Faro nemphi yakhe ngalo,

ngobe umusa wakhe ume

kuze kube phakadze.

₁₆Nguye lowahola sive sakhe ehlane,

ngobe umusa wakhe ume

kuze kube phakadze.

₁₇Wabhubhisa emakhosi lamakhulu,

ngobe umusa wakhe ume

kuze kube phakadze.

₁₈Wabulala nemakhosi lanemandla,

ngobe umusa wakhe ume

kuze kube phakadze.

₁₉Wabulala Sihoni,

inkhosi yema-Amori,

ngobe umusa wakhe ume

kuze kube phakadze.

₂₀Wabulala na-Ogi,

inkhosi yase-Bhashani,

ngobe umusa wakhe ume

kuze kube phakadze.

₂₁Wephana ngelive labo laba lifa,

ngobe umusa wakhe ume

kuze kube phakadze,

₂₂laba lifa la-Israyeli,

inceku yakhe,

ngobe umusa wakhe ume

kuze kube phakadze.

₂₃Nguye lowasikhumbula

ekwehlulekeni kwetfu,

ngobe umusa wakhe ume

kuze kube phakadze.

₂₄Wasikhulula etitseni tetfu,

ngobe umusa wakhe ume

kuze kube phakadze.

₂₅Nguye lowondla bonkhe bantfu

netilwane tonkhe,

ngobe umusa wakhe ume

kuze kube phakadze.

₂₆Bongani Nkulunkulu welizulu,

ngobe umusa wakhe ume

kuze kube phakadze.