Sihlabelelo 124

₁“Kube Simakadze abengekho ngakitsi

ngabe siseyini nje?”

akasho njalo Israyeli.

₂“Kube Simakadze abengekho ngakitsi

ngesikhatsi bantfu basihlasela,

₃ngabe basigwinye siva

ngekuvutsa kwelulaka lwabo;

₄emanti ngabe asimbonyile,

sikhukhula ngabe sengce natsi,

₅ngabe tikhukhula tisikhukhulile.”

₆Akabongwe Simakadze,

longazange avume

kutsi titsa tetfu tisibulale.

₇Siphunyule njengenyoni

iphunyula elugibeni lwebaciphi.

Tingibe utidzabulile, saphunyula.

₈Lusito lwetfu lusegameni laSimakadze

lowente lizulu nemhlaba.