Tlhahisoleseding e Nngwe

2 kubaseKorinthe 4

Emagugu akaMoya etitjeni telibumba

₁Nkulunkulu ngemusa wakhe wasiniketa lenkonzo; ngiko nje singadzinwa. ₂Sesiyilahle yonkhe imisebenti yebumnyama neyelihlazo asiphili ngebucili, asiliphambanisi livi laNkulunkulu, kepha sibeka liciniso laNkulunkulu ebaleni, kunembeza webantfu bonkhe embikwaNkulunkulu. ₃Kepha nangabe liVangeli letfu lifihlakele, lifihlakele kuphela kulabo labalahlekako. ₄Ngobe kubo labangakholwa nkulunkulu walomhlaba uphumphutsekise tingcondvo tabo, kuze kungasi kubo kukhanya kweliVangeli lenkhatimulo yaKhristu, lofute Nkulunkulu. ₅Asitishumayeli tsine, kodvwa sishumayela kutsi Khristu Jesu uyiNkhosi, tsine-ke sitisebenti tenu ngenca yakhe. ₆Ngobe yena lowo Nkulunkulu lowatsi: “Akuvele kukhanya ebumnyameni,” nguye futsi lokhanyise etinhlitiyweni tetfu, kuze sikwati kubona inkhatimulo yaNkulunkulu ebusweni baKhristu.

₇Kepha lamagugu lesinawo siwaphetse ngetitja telibumba. Loko kubonakalisa kutsi lamandla lamakhulu kangaka akasiwo etfu kepha ngaNkulunkulu. ₈Sicindzetelwa ndzawo tonkhe, kodvwa asibotfoki; siyacakeka, kodvwa asipheli emandla. ₉Siyatingelwa, kodvwa Nkulunkulu akasilahli, siyamukulwa siwiswe phansi, kodvwa asibhujiswa. ₁₀Solomane setfwala njalo emitimbeni yetfu kufa kwaJesu, kuze kutsi nekuphila kwakhe kubonakaliswe emitimbeni yetfu. ₁₁Ngobe tsine, nome sisaphila, sinikelwa mihla le ekufeni, ngenca yaJesu, kuze kutsi nekuphila kwakhe kubonakaliswe emitimbeni yetfu lefako. ₁₂Kanjalo-ke kitsi kusebenta kufa, kepha kini kusebenta kuphila.

₁₃UmBhalo utsi: “Ngangikholwa kuNkulunkulu, ngako ngakhuluma.” Natsi futsi sinawo lowo moya wekukholwa kuNkulunkulu, ngako-ke sikhuluma ₁₄sati kutsi yena lowo Nkulunkulu lowavusa iNkhosi Jesu, natsi uyawusivusa kanye naJesu asetfule kanye nani kuye. ₁₅Ngobe konkhe loko kwentelwa nine, kuze kutsi umusa usenabela kubantfu labanyenti, kwandziswe kubonga kwabo, kube ludvumo kuNkulunkulu.

Kuphila ngekukholwa

₁₆Ngako-ke asidzinwa; nome lingephandle letfu libhubha, kodvwa lingekhatsi lentiwa libe lisha imihla ngemihla. ₁₇Ngobe lolusizi lwetfu luncane futsi lwesikhashana, lusilungiselela inkhatimulo lengenawulinganiswa, yaphakadze. ₁₈Tsine asibheki lokubonakalako kodvwa lokungabonakali, ngobe loko lokubonakalako kwesikhashana nje, kepha loko lokungabonakali kwaphakadze.

Mehlodi ya Bibele

Mabapi le Bibele (en)

Kakaretso ya Bibele (en)

App ya BibleSA (en)

Dibibele

Mabapi le rona (en)

Lebenkele la Bibele (en)

Bibele Letsatsi Le letsatsi

Mehlodi e meng ya Bibele

Ditaba tsa Bibele

Dipotso tsa Bibele (en)

Merero ya ho bala

Temana ka letsatsi

Mehlodi ya Kereke

Bukana ya Thuto ya Kereke (en)

Kemiso ya Dithero (en)

Moya wa Modimo dipakeng tsa maqephe (en)

Softwere ya tlhahiso (en)

Ditataiso tsa Mosebedisi

Mabapi le BibleSA (en)

FAQ (en)

2 kubaseKorinthe 4

Emagugu akaMoya etitjeni telibumba

Kuphila ngekukholwa