Tlhahisoleseding e Nngwe

1 kuThimothi 2

Kukhonta ebandleni

₁Ngako-ke kwekucala ngiyala kutsi kukhuleka, nemithandazo, nekuncusa, nekubonga, akwentelwe bonkhe bantfu. ₂Khulekelani emakhosi nabo bonkhe labasetikhundleni letiphakeme, khona sitewuphila imphilo yekuthula, ngekwesaba Nkulunkulu nangako konkhe kuhlonipheka. ₃Loku kuhle, kuyemukeleka kuNkulunkulu uMsindzisi wetfu, ₄lofisa kutsi bonkhe bantfu basindziswe bafinyelele ekulatini liciniso. ₅Ngobe munye Nkulunkulu, munye neMlamuli losemkhatsini waNkulunkulu nebantfu, lomuntfu nguKhristu Jesu, ₆lowatinikela kutsi abe yinhlawulo yabo bonkhe, loko kwaba bufakazi ngesikhatsi lesifanele. ₇Ngiko lengakhetselwa kuba ngummemeteli nemphostoli wako, ngifundzise betive kukholwa neliciniso; ngikhuluma liciniso, hhayi emanga.

₈Ngako-ke ngifisa shangatsi emadvodza yonkhe indzawo angakhuleka aphakamise tandla letingcwele, ate lulaka nembango. ₉Kanjalo futsi nalabasikati bafanele kuhloba kahle, bagcoke kahle, nangekuhlonipheka, hhayi ngemichino, nome ngemihlobiso yegolide, nome yematje laligugu, nome ngetingubo letidule kakhulu, ₁₀kodvwa bahlobe ngetento letinhle letifanele labasikati labatsi besaba Nkulunkulu. ₁₁Lomsikati kufanele afundze ngekuthula nangekutfobeka konkhe. ₁₂Kodvwa angimvumeli kutsi afundzise nome-ke engamele indvodza, kepha akathule. ₁₃Ngobe phela Adamu wentiwa kucala, kwase kulandzela Eva; ₁₄futsi Adamu akakhohliswanga, kepha ngumfati lowakhohliswa, wephula umtsetfo. ₁₅Kodvwa umfati uyawusindziswa ngekutala bantfwana, nabahlala ngekuzitsa konkhe ekukholweni, naselutsandvweni, nasekungcwelisweni.

Mehlodi ya Bibele

Mabapi le Bibele (en)

Kakaretso ya Bibele (en)

App ya BibleSA (en)

Dibibele

Mabapi le rona (en)

Lebenkele la Bibele (en)

Bibele Letsatsi Le letsatsi

Mehlodi e meng ya Bibele

Ditaba tsa Bibele

Dipotso tsa Bibele (en)

Merero ya ho bala

Temana ka letsatsi

Mehlodi ya Kereke

Bukana ya Thuto ya Kereke (en)

Kemiso ya Dithero (en)

Moya wa Modimo dipakeng tsa maqephe (en)

Softwere ya tlhahiso (en)

Ditataiso tsa Mosebedisi

Mabapi le BibleSA (en)

FAQ (en)

1 kuThimothi 2

Kukhonta ebandleni