Pesalema 87

Motse wa Modimo o theilwe

hodima thaba e halalelang,

₂Morena o rata dikgoro tsa Sione,

ho feta metlotlwane yohle ya Jakobo.

₃O bolelwa ka tse kgabane,

wena motse wa Modimo, ho thwe:

₄“Hara ditjhaba tse ntsebang

ke bolela tsena:

Egepeta le Babilona,

Filesitiya le Tire, mmoho le Kushe;

ka tsona ho thwe:

‘Motho enwa o tswaletswe Sione.’ ”

₅Ka Sione ho thwe:

“Batho bohle ke bana ba Sione.”

Ya Hodimodimo

ke yena ya e tiisitseng.

₆Ha Morena a bala ditjhaba,

o tla ngola, a re:

“Le motho enwa

ke ngwana wa Sione.”

₇Dibini le dihoba di re:

“Bohle re phela ka ho wena.”