Pesalema 11

Ke tshabela ho Morena.

Keng ha le re ho nna:

“Balehela thabeng

jwaloka nonyana?”

₂Ba kgopo ba se ba hula

diqha tsa bona,

ba kgwesa metsu ya bona,

ba e kgwesa ba le lefifing

ho fula ba pelo di ntle.

₃Ha metheo e se e heleditswe,

ya lokileng a ka etsa eng?

₄Morena o ka tempeleng ya hae

e halalelang,

terone ya Morena e mahodimong.

Mahlo a hae a bona bana ba batho,

o a ba tadimisisa, o a ba hlahloba.

₅Morena o hlahloba

ya lokileng le ya kgopo,

ya sehloho yena o mo hloile.

₆Ba kgopo o tla ba nesetsa mashala,

mashala a hlenneng le sebabole,

kabelo ya bona

e tla ba moya o tukang.

₇Morena o lokile,

mme o rata tse lokileng;

ba pelo di ntle

ba tla bona fahleho sa hae.