Pesalema 100

Lona ba lefatshe lohle

etsetsang Morena mehoo ya thabo,

₂sebeletsang Morena ka thabo,

tloong kapele ho yena ka ditlatse.

₃Tsebang hore Morena ke Modimo,

o re bopile, mme re ba hae;

re setjhaba sa hae,

mohlape wa makgulo a hae.

₄Kenang dikgorong tsa hae

le ntse le mmoka,

le mabaleng a hae

le ntse le mo rorisa;

mo leboheng,

le boke lebitso la hae.

₅Morena o molemo,

mohau wa hae

ke wa kamehla yohle,

botshepehi ba hae

ke bo isang melokong yohle.